Page 144 - Tarey Vesos_Макет 1

Tarey Vesos
Bәlkә, bu sözlәri bacısına da desin? Daş dimdiklәmәk –
onsuz da, heç nә anlamayacaqdı.
Onlar yanaşı oturmuşdular. Mattis bacısının hamar, tünd-
şabalıdı saçlarına baxırdı. Әvvәlcә orada bir, sonra daha bir ağ
tük gördü. Uzun gümüşü sap kimi.
Bәlkә, mәn bu gün qartalbaxışlı olmuşam? – sevinc dolu
heyrәtlә düşündü. Әvvәl onları sezmәmişdim. Dәrhal içindәn bir
nida qopdu:
– Xeqe, necә dә maraqlıdı!
Bacısı tez başını qaldırdı. Qardaşı özünә gәlmişdi. Bacısının
ürәyi rahatlandı:
– Sәnә maraqlı olan nәdi? – hәvәslә soruşdu.
– Saçların ağarır!
Xeqe başını aşağı saldı.
– Hә-ә.
– Mәn bu gün fikir verdim. Sәn özün bilirdin?
Bacısı cavab vermәdi.
– Nәsә çox tezdi. Sәnin axı cәmi qırx yaşın var. Amma saçlar
artıq ağarıb.
Qәflәtәn üzәrindә kiminsә baxışlarını hiss etdi. Xeqeyә baxdı.
Bacısı elә bil kimsә başqasıydı? Öldürücü baxışlar idi. Bәlkә,
hәr halda, Xeqenin baxışlarıdı? Mattis qorxdu vә anladı ki, nәsә
yanlışlıq edib. Amma niyә axı? Sadәcә indi, olsa-olsa, daha da
hәssaslaşıb.
– Xeqe!
Nәhayәt, bacısı başını qaldırdı:
– İndi sözün nәdi?
Nә demәk istәdiyini dәrhal unutdu. Daha ona baxan yox idi.
– Heç, elә-belә, – dedi, – işindә ol.
Bacısı gülümsәdi.
– Baş üstә, Mattis.
– Demәk, hәr şey qaydasındadı? – ehtiyatla soruşdu. – Sәnә
saçlarının ağardığını desәm dә?
Xeqe şәn vә qәtiyyәtli tәrzdә başını tәrpәtdi:
– Qorxulu bir şey yoxdu, özüm dә görmüşәm.

144