Page 140 - Tarey Vesos_Макет 1

Tarey Vesos
ildırım çaxmışdı. Adәtәn, gurultu sәsi daha güclü olanda Mattis
balaca taxta ayaqyolunda gizlәnirdi. Haçansa eşitmişdi ki, belә
yerlәri ildırım vurmur. Bütün dünyada belә qәbul olunduğunu
Mattis bilmirdi, amma xoşbәxtlikdәn, bu, onlar tәrәfdә indiyәcәn
sәmәrә verirdi.
İndi onun gözlәnilmәz tәriflәrini dinlәmәk hayında olmayan
Xeqeyә müraciәtinin davamını gәtirәrәk:
– Hә, hә, ildırım kimi, – mızıldandı.
Yox, Mattis hәlә ürәyini boşaltmamışdı:
– Demәk istәyirәm, sәnin fikirlәrin dә ildırım kimidi.
Xeqe onun tәhlükәli mövzunun üstünә gәlib çıxacağından
haqlı olaraq qorxub, cәld başını qaldırdı:
– Bu günә kifayәtdi, – soyuq vә biganә tәrzdә dedi.
Mattis:
– Nәsә olub? – soruşdu.
– Heç nә olmayıb. Sakit otur.

Xeqe, az qala, üzә çıxan sözlәri dәrindә gizlәtdi. Qardaşı
“fikir” sözünü dilinә gәtirәndә kәmsәrliyi Xeqeni daha da
ümidsizlәşdirirdi. Bu zaman nәsә әhvalı ağırlaşır, ruhdan düşürdü.
Mattis dә bunu sezib bacısının narazılığının sәbәbini onun
hamı kimi işlәmәmәsinә yozdu. Amma düzü, buna görә hәmişә
vicdan әzabı çәkirdi. Vә o artıq hәr ikisinin çoxdan bәri qulağını
yağır etmiş sözü dedi:
– Sabah mәnә nәsә bir iş fikirlәşib tapmalısan. Belә davam
elәyә bilmәz.
Xeqe boşluğa müraciәtlә:
– Yaxşı, – dedi.
– Artıq bezmişәm. Gör nә vaxtdı, heç nә qazanmıram.
Xeqe:
– Hә, sәn artıq çoxdandı heç nә qazanmırsan, – dedi vә özü
dә istәmәdәn sәsi lazım olandan kәskin çıxdı.
Dәrhal sözlәrinә görә peşman oldu, amma gec idi, artıq
yaralı yerә toxunmuşdu. Mattis belә iradlara dözümsüz idi, bu
sözü ancaq özü deyә bilәrdi.

140