Page 138 - Tarey Vesos_Макет 1

Tarey Vesos
saatında can üstә olan buz qәsr ildırım kimi gurlayacaq. Amansız
işgәncәlәr sona çatır, gurultu sәsi gәlir vә elә bil haralardansa
eşidilir: bura lap zülmәt qaranlıqdı.
Suyun tәzyiqi altında hәr şey dağılır, şәlalәnin ağ köpüklәrinә
tökülüb qarışır. Buzun nәhәng layları bir-birinә dәyib parçalanır
vә suyun asan şikarına çevrilir. Nohurlar әmәlә gәlir, amma axın
onları yuyub özünün geniş, daşlı-çınqıllı yoluna qatıb aparır,
daha uzaqlara istiqamәt alır vә çayın dirsәyindә gizlәnir. Qәsr
belәcә yer üzündәn silinir.
Bir vaxtlar dayandığı yerdә yalnız izlәri qalır – taxtındakı
cızıqlar vә qopuqlar, baş-ayaq çevrilmiş daşlar, kökündәn
qoparılmış ağaclar, bir dә yalnız dәrisi soyulmuş zәrif budaqlar.
Buz layları hәlә dә aşağı can atır. Onlar tәlәsirlәr, tezliklә
aşağıdakı gölә çatıb hәrәsi bir tәrәfә qaçacaq vә bu zaman hamı
hәlә yuxuda olacaq, bu gecә nәlәr baş verdiyini kimsә görmәyәcәk.
Süd rәngli buz layları әriyә-әriyә güclә görünәrәk, gölün üzәriylә
üzәcәk. Sonra yox olacaq.

138