Page 136 - Tarey Vesos_Макет 1

Tarey Vesos
Buradan getmәk isә hәlә tezdi. Buz qәsr onları buraxmaq istәmirdi.
Uşaqların gözlәri әvvәlki kimi parlayırdı.
Uşaqların parlaq gözlәri Sissin baxışlarını yoxlayırdı, amma
o qız bu heyranlıqlarını onlarla bölüşә bilmirdi. Yuxarıda onu
haqlayan çılğın hәvәs izsiz-soraqsız qeyb olmuşdu. Mәgәr hiss
etmirlәr ki, burada qalmaq olmaz? Әlbәttә, yox, onlar buna bir
sәbәb dә görmürlәr. Bu, o uşaqlar üçün adi bir macәradı.
Uşaqlar Sissin sifәtindә әks olunanları oxuduqlarına görәmi
ondan üz döndәrdilәr? Amma axı özlәri dә burada qalmağın
mümkünsüzlüyünü hiss etmәlidi. Şәlalәnin әbәdi uğultusu yerlә
göyün arasını doldursa da, tәk bir boşluğu doldurmaya da bilәr.
Onlar bunu bilmirlәr. Bu, onlar üçün, olsa-olsa, adi bir macәradı
vә gözlәri dә ona görә alışıb-yanır.
Siss qalxıb dedi:
– Mәn daha burada qala bilmәrәm.
Sәbәbi soruşan olmadı.
Başçı-qız ona yaxınlaşdı:
– Gedirsәn?
– Yox. Nәsә bir az o tәrәflәrә, kәnara çәkilmәk istәyirәm.
– Yaxşı, biz dә bir az qalıb qayıdırıq.
Siss meşәlikdәn keçәrәk, birazdan o birilәrin dә gәlәcәyi
yolla ağır-ağır geri qayıtdı.
Yox, mәn indi onlardan ayrılmıram.
Mәn indi onlarla birlәşmişәm.
Siss pöhrәliyә girib daşın üstündә oturdu. Meşә hәlә yarpaqlarını
geyinmәmişdi, arıq çılpaq ağacların sıx cәrgәsi göz işlәdikcә
uzanırdı. Siss әyri tәpәliyin altında oturduğundan şәlalәnin
uğultusu qulağına boğuq çatırdı, amma sәsin gücündәn havanın
titrәyişi burada da hiss olunurdu. İpә-sapa yatmayan vә dәli sәs.
Su dayanmaq bilmәdәn tәzәlәnir vә irәli can atırdı.
Siss bu gün ona edilәn hörmәti düşünürdü. “Onlar yaxınlaşanda
çalışıb başqalaşacağam. Necә?”
Daşın üstündә oturub elә hey düşünürdü. Gözlәyirdi ki, indi
arxasında dәhşәtli uğultu sәsi xәbәr verәcәk: olacaqlar oldu.
Amma әvәzindә yalnız susmaq bilmәyәn, ahәngi pozulmayan
uğultu eşidilirdi.
136