Page 132 - Tarey Vesos_Макет 1

Tarey Vesos
Budur, artıq şәlalәnin uğultusu eşidilir. Burada, aşağıda sәs
elә ucadan gәlmirdi, elә bil tәpәliyi aşıb aşağı axaraq, onları
qarşılayırdı.
Nәhәng vә әvvәlki kimi uzaq olan qәsr buradan әmәlli-başlı
ağarırdı. Bu qәsr başqa dünyaya mәxsus idi, sadәcә bir anlıq
gözlәrinә görünmüşdü. O, düz Sissin qarşısında ucalırdı.
Uşaqlar bayaqdan Sissi müşahidә edirdilәr. Qәsrin görüntüsü
hamını sarsıtmışdı. Başçı-qız Sissә yaxınlaşıb astadan soruşdu:
– İstәyirsәnsә, qayıdaq?
Görünür, hamı onun qorxduğunu düşünürdü. Bu sualı ona
artıq ikinci dәfә verirdilәr.
– Yox, birdәn-birә niyә axı?
– Bilmirәm, sәnin sifәtin yaman qәribәdi.
– Sәnә elә gәlir. Hәm dә hamı ora getmәk istәyir.
– Amma özün dә bilirsәn ki, bu, sәnin seçimindi.
– Hә, – Siss razılaşdı.
– Ona görә dә biz buradan geri qayıtmağa razıyıq. İndi sәnin
baxışların elәdi ki, elә bil ora getmәk istәmirsәn.
– Yox, yox, sizә elә gәlir.
Siss çaşqın nәzәrlәrlә başçıya – hәmin o iradәli, ağıllı qıza
baxdı. Sissi buz qәsrlә hansı xatirәlәr bağladığını o qız tәsәvvürünә
belә gәtirә bilmәzdi.
– Neynәk, necә istәyirsәn.
Qız o birilәrә tәrәf dönüb dedi:
– Dayanmadan şәlalәyә tәrәf gedәrik. Naharımızı da orada
edәrik.
Aşağı, üçüncü vadiyә düşürdülәr. Qaçan, tәlәsәn yox idi.
Tәntәnә yerli-yerindәydi.
Eniş asan olmadı. Aşağıya, üçüncü vadiyә tәrәf yolda kolluqlar
vә meşәnin pöhrәliyi yollarını kәsdi. Talalardan keçә-keçә bәzәn
bir-birlәrini gözdәn itirirdilәr. Sonra, tәbii ki, yollarına dәrin
çalalı vә köpük papaqlı çeşmәlәr çıxırdı.
Növbәti kolluğun yanına çatanda Siss azca karıxan kimi oldu
vә bu zaman kimsә ona yaxınlaşdı. İrәlidә gedәn oğlanlardan
biriydi. İndi geridә qalmışdı. Siss oğlanın gözlәrinә baxdı. Onun
parıltısı qeyri-adiydi. Siss tez soruşdu:
132