Page 129 - Tarey Vesos_Макет 1

Buz qəsr
Siss onu eşitmirdi. Hiss etdiyi yalnız bu bir qucaq rahatlıq
idi.
– Sәn mәni eşidirsәn?
Siss:
– Hә, – cavab verdi.
Qız qüvvәtli qollarını boşaltdı. Siss dönüb xırda budaqdan
tutdu vә onu qopartmaq istәdi. Ağaclığın arxasından gәlәn sәs-
küyü eşidәndә bu gәrginliyә baxmayaraq, hәr ikisi özündә bir
yüngüllük hiss etdi.
Sәrt tәbiәtli qız cәld dillәndi:
– Axır ki gәlib çıxdılar. Şadam ki, sәn...
– Mәn dә.
Gәlәnlәr sevinc içindә onları dövrәyә aldılar.
– Siss, salam.
– Salam.
Sissin onların hәr birini tәk-tәk qarşılayacağını düşünmәsi
yersiz imiş – başçı-qız imkan vermәdi.
Sonuncular da gәlib çıxdı vә hamılıqla yola düzәldilәr.
Çox danışmağı xoşlamayan hәmin o qız daha heç nә demәyib
uşaqlara qarışdı. Qabaqda bir oğlan gedirdi. Siss özü dә hiss
etmәdәn az sonra onunla yanaşı addımladı. Bu, hәmin oğlan idi –
Sissin ağır günündә uzunboğazının ucuyla nәvazişlә ona toxunan
oğlan. Hәmin gündәn bәri o da başçılardan biri olmuşdu. Bundan
sonra da Sissә az yaxınlaşmamışdı, amma “uzunboğaz günü”
olanlar daha tәkrarlanmadı.
Oğlan sükutu pozmaq üçün soruşdu:
– Sәn ora әn qısa yolu tanıyırsan, elәmi?
– Hә, – Siss qәtiyyәtlә cavab verdi.
– Ora tez-tez gedirdin?
– Yox, – bir qәdәr sıxılıb qısaca cavab verdi.
Siss geridә qalmışdı.
“Bu gün özümü necә aparıram?”
Meşәnin içiylә nizamsız addımlayırdılar, bölünür, yenidәn
birlәşirdilәr.
Siss uşaqların onu diqqәt mәrkәzinә gәtirmәsini xәcalәt
hissiylә müşahidә edirdi. Amma bu, onda ağırlıq yaratmırdı. Sәrt
129