Page 126 - Tarey Vesos_Макет 1

Tarey Vesos
yaxınlaşmırdı. İndi hәmin qız sakitcә başını tәrpәtmәklә onu
salamladı. Siss soruşdu:
– Artıq buradasan?
– Bәs sәn?
Siss:
– Qәrara aldım ki, hamı yığılanacan burada olsam yaxşıdı, –
açıq etiraf etdi.
– Hә, әlbәttә. Mәn belә dә bilirdim, ona görә dә evdәn tez
çıxdım – o birilәr gәlib çıxana qәdәr sәninlә danışmaq üçün.
– Nә barәdә?
Siss onun cavabını bildiyi sualı verdi.
– Özün dә bilirsәn, elә deyil?
Sınayıcı nәzәrlәrlә baxışdılar. Hәr ikisi anladı ki, bir-birinә
düşmәn deyillәr. Siss özünә yeni rәfiqә qazanmaq istәdiyini hiss
etsә dә, bu arzunu içindә boğmalı oldu. Hәm dә anladı ki, bu
başçı qız ondan heç nәdә geri qalmır. Qızın, adәtәn, tәmkinli vә
sakit olan sifәti indi hәyәcanlı görünürdü.
– Sәni dünәn evә ötürәndә necә dә xoş idi, Siss. Görürdüm
ki, hamıya xoşdu.
Siss susmuşdu.
– Sәnә dә xoş idi?
– Hә, – sakitcә cavab verdi.
Qız sözlәrinә bir sәrtlik vermәk istәyәrәk:
– Amma hәr halda, bundan qaça bilmәzsәn, – dedi.
– Nәdәn qaça bilmәrәm?
– Düşünürdüm, sәn dә bilirsәn. O birilәr gәlib çıxanacan
gәrәk bu haqda danışaq.
Sәsi daha da sәrtlәşmişdi. Qız davam etdi:
– Qış ağır keçdi, Siss.
Siss qızardı.
Qız davam etdi:
– Niyә özünü elә aparırdın?
Siss inamsız halda:
– Sәbәb mәnim kimәsә qarşı olmağım deyildi, – dedi, –
mәsәlә başqaydı...

126