Page 124 - Tarey Vesos_Макет 1

Tarey Vesos
Yox! Yox!
Açıq pәncәrәdәn soyuq vurdu. Bağlamaq üçün ayağa qalxdı.
Daha qaranlıqdan qorxmurdu, amma sakitcә gedib pәncәrәni
örtә dә bilmirdi.
Vidalaşanda Unnun xalasına qaranlıqdan qorxmadığını demişdi
vә qorxu, hәqiqәtәn dә, hәmin an onu rahat buraxmışdı.
Amma indi düşündü ki, hәr halda, qorxur. Qalxıb pәncәrәni
örtmәdi.
Şkafından bir neçә palto asılmışdı. Onları götürüb, donmamaq
üçün adyalın üstünә atdı. Nә arxasını pәncәrәyә sarı çevirmәyә,
nә dә işığı söndürmәyә ürәk elәyirdi. Qaranlıq otağı açıq pәncәrәli
tәsәvvürünә gәtirmәk onda vahimә yaradırdı. Yuxuya gedәnәcәn
elәcә pәncәrәyә baxdı.

6

Quyruqlu göyәrçinlәr

Sәhәr şaxtalıydı. Siss evdәn çıxanda sulu yerlәri örtmüş buz
ayaqları altında xırçıldadı. Bir gün әvvәl uşaqlar şәlalәyә vә çaya
getmәk üçün sübh tezdәn görüşmәyi qәrara almışdılar.
Siss evlәrinә baxmaq üçün hәtta arxaya belә qanrılmadı:
gecә vahimәlәri yox olmuşdu. Mәnim son günüm? Boş şeydi.
İndi sәhәrdi, bu vәdәlәr adam da başqa cür olur.
Bununla belә, bu, onun üçün adi sәhәr deyildi.
Donmuş su şaxtalı aprel gecәlәrindә әmәlә gәlәn nazik
gümüşü qabıqdan başqa, bir şey deyilmiş. Su – әsl su isә bir an
belә hәrәkәtini dayandırmır, hәr yerdә özünü hiss etdirәrәk bütün
tәbiәtә hakim kәsilir. Su bütün çeşmәlәrdәn axır – amma nәdәnsә,
onun şırıtlısı heç vaxt bazar sәhәrlәri olduğu kimi aydın eşidilmir.
Qaramtıl sahillәrin әhatәyә aldığı vә sanki yalnız saf suyla dolu
gölün üzәrindә iri vә xırda buzlar üzürdü. Haradasa uzaqda sәsi
bura güclә gәlib çatan çay gurlayırdı.
Ürәklәr әsә-әsә ora – o gurultuya sarı can atır.

124