Page 123 - Tarey Vesos_Макет 1

Buz qəsr
Siss gәrgin gözlәnti içindә donub-qalsa da, sakitliyini itirib
vahimә keçirmirdi. O sanki baş verәcәklәrә hazır idi. Әvvәlki
qorxuları onu bәrkitmişdi vә indi olacaqların әn pisinә köklәnmişdi.
Bununla belә, yenә sabahı düşünürdü. Bu, mәnim son günüm
olacaq. Qәflәtәn beynindәn belә bir fikir keçdi. Pәncәrә dә ona
görә açıldı. Bu nәdisә, buz qәsrә sabahkı yürüşlә әlaqәlidi.
Qәsrdә nәsә baş verәcәk. Hiss elәdi ki, dәhşәtdәn әllәri, ayaqları
boşalır. Qorxu eynilә donmuş göldәki buz kimi xırçıldayırdı.
Qәsrә getmәyi mәn özüm tәklif etdim vә onları yola gәtirmәk
çәtin olmadı. Sabah isә orada bәdbәxt hadisә baş verәcәk.
Sonuncu gün. Buzun nәhәng ağ layı yellәnir. Çay hücum
çәkib onu parçalayır.
O, nәlәr olacağını aydın görür. Bütün sinif coşquyla qәsr
boyu gәzişir: onlar Sissin yaşantılarını keçirmәyiblәr. Onlar hәr
tәrәfi әlәk-vәlәk edirlәr, dama, günbәzә qalxmaq istәyirlәr.
Şәlalәnin vәhşi uğultusunu batırmaq üçün Siss onlara qışqırır:
“Ora tәhlükәlidi!” Amma sәsi hay-küyün içindә eşidilmәz olur.
Onlar dama qalxır, özü isә hamıdan әvvәl oradadı. Ümidsiz
hәrәkәtlәrlә bir-birlәrinә buranın tәhlükәsindәn xәbәr vermәk
istәyirlәr, amma әksinә, qalxmaqda davam edirlәr. Vә bu yerdә
hәmişә gözlәdiyi vә rahatlığını pozan hәmin an yetişir. Qәsr dә,
çay da elә bunu gözlәyirmiş. Buz vahimәli sәslә çatlayır. Onlar
yuxarıdadı, hamını bu dәhşәtә o özü cәlb elәyib. Qәsr ayaqları
altındaca dağılır, suyun tәzyiqi ilә yellәnә-yellәnә qabağa, köpüklü
çaya yıxılıb, yuxarıda dayanan bütün uşaqları özüylә aparır. Bu,
sondu. O, bunun baş verәcәyini kәdәrli matәm nәğmәsini oxumağa
hazırlaşan sәrt ifadәli kişilәr qәsri dövrәyә alan andan hәr gün
gözlәmişdi.
Siss bütün bunları açıq pәncәrәdәn gözünü çәkmәdәn gördü.
Sabah baş verәnlәri gözü önünә gәtirmәk üçün azca da әziyyәt
çәkmәdi, bu mәnzәrә qarşısında öz-özünә açılmışdı. Tәşviş-zad
keçirmәdi, iştirakçı olsa da, sanki hәr şeyin kәnar müşahidәçisi
idi.
Doğrudanmı sabah belә edә bilәrәm?
Cürәtim çatar?

123