Page 118 - Tarey Vesos_Макет 1

Tarey Vesos
4

Әriyәn buz

Siss sanki әriyәn buzun içindә dayanıb-durub. Hara baxırsan,
gözünә yalnız boz buzlaqlar, bir dә üzәn buz layları görünür.
Gecәlәrdәn birindә böyük göldә qara yovşanlıq әmәlә gәldi,
sәhәri suyun nәfәsi sürәkli vә dәrin şırıltılarla bu qara ayrıcdan
eşidildi. Dәrhal bir quş balaca buz layına qonub dimdiyini suya
saldı. Az sonra yeni yovşanlar çıxdı; nәhәng buz layları tәrpәşdi,
amma hәlәlik yerindә qaldı: çayın ağzı hәlә tәmiz deyildi.
Siss qәsr-şәlalә barәdә düşündü. Orada başına gәlәnlәr indi,
xalayla söhbәtdәn sonra tәsәvvüründә tamam başqa cür idi.
Әlbәttә, hәr şey sadәcә gözünә görünmüşdü. Hәmin vaxt o,
hәddәn artıq әsәbi idi, gözünә, nә desәn, görünә bilәrdi.
Yolda rast gәlib ürәyinә yatan oğlanla söhbәtdәn sonra qәsr
dә gözündә dәyişmişdi. Yox, әlbәttә, o, bu oğlanla yaxından
tanışlığa can atmır, amma hәr halda... Yenidәn qәsrә yollanmaq
istәdi.
Bu oğlana görә qәsr sәrt kişilәrin dörd bir tәrәfdәn dövrәyә
aldığı hәmin o gecәdәki kimiydi – yenә onlarla, hәmin gecәdәki
kişilәrlә birlikdәydi.
Oğlan ona, su yuxarı qalxıb, demişdi. Qәsr ağappaqdı. Bugün-
sabah çökәcәk.
Buz qәsr suyun tәzyiqi altında titrәyir. Ömrünә çox qalmayıb.
Onu yanına çağırır. Getmәk lazımdı.
Siss dayanıb qalın vә boz buzların necә parçalandığına tamaşa
elәyirdi. Gölü çılpaq torpaq әhatә etmişdi. Hәlә bir ot da baş
qaldırmayıb. Dağlar büsbütün qarla örtülüb, böyük sel yaxınlaşır.
Bu, qәsrin sonu olacaq. Kәdәrli vә qaçılmaz hәqiqәt: özüylә yeni
qoxular vә yüngül dumanlar gәtirәcәk gün yaxındadı. Vә torpaq
diksinib oyanacaq.
Sinif yoldaşlarıyla hәlә dә yaxınlıq elәmirdi, amma hәr
şeydәn hiss olunurdu ki, bu, uzun sürmәyәcәk. İlk addım, әlbәttә,
Sissdәn gәlmәliydi, amma o, әvvәlki kimi, yenә özünü soyuq
aparırdı.
118