Page 115 - Tarey Vesos_Макет 1

Buz qəsr
– Çayın özünә?
– Hә. Yol daha tam açılıb.
Ona aydın oldu: demәli, hәlә dә kimsә axtarışlara davam
edir. Sissin ürәyindә zәrif duyğular baş qaldırdı.
– Bәs göldә necә, buz hәlә dә qalır?
– Hә, – oğlan elә qәti dedi ki, sanki özü öz sözünü kәsdi.
Amma Siss çox şeylәri bilmәk istәyirdi.
– Elә әvvәlki kimi?
– Әvvәlki kimi.
– Amma yәqin, uzun çәkmәz.
– Elәdi, çayın suyu xeyli qalxıb, hәlә dә qalxır.
Necә dә yaxşı oğlandı, Siss onun qәt elәdiyi bu ağır yola
görә oğlana minnәtdardı. Yәqin, bu, Sissin üzündәn dә oxunur.
Bu vaxtacan yalnız onun suallarını cavablandıran oğlan qәfil
özü danışdı:
– Uğultu sәsi uzaqlara gәlib çatır. Bilirsәn, elә buzlar da lap
uzaqdan görünür.
– Belә de...
– Hә, buradan çox da uzaq olmayan tәpәdәn dә görünür.
Baxmaq istәyirsәnsә...
– İstәmirәm.
Sükut. İkisi dә fikirlәrindә itkin düşmüş Unnu tutduqlarını
yaxşı bilirdi.
– Qulaq as, Siss, – oğlan qәflәtәn nәvazişlә dillәndi.
Daha nә?
– Nә vaxtsa sәnlә rastlaşanda demәliydim ki... – oğlan
davamını gәtirә bilmәdi, sonra inamsızlıqla davam etdi:
– Daha heç nә elәmәk mümkün deyil, Siss...
Deyәcәyi bu imiş. Bundan aydın demәk olmazdı. Siss cavab
vermәdi.
– Bu barәdә bir düşün.
Hә, bundan aydın demәk olmazdı. O, birbaş onun qәlbindә
tarıma çәkilmiş simlәrә toxundu, amma qәribәdi, Siss daha
әvvәlki ağrını hiss elәmir, daha içindә etiraz vә hiddәt baş
qaldırmır. Әksinә, bu sözlәr ona xoş gәlir.

115