Page 110 - Tarey Vesos_Макет 1

Tarey Vesos
– Hә...
– Ona görә dә sәninlә qaranlıqda gәzişirәm. Ümumiyyәtlә,
nәsә yöndәmsiz alınır: ürәyim bütün qonşuları bir-bir görmәk
istәyir, amma gözlәrinә görünmәkdәn çәkinirәm.
İndi get-gedә daha da sıxlaşan aprel toranlığında dayanıb-
duran xala nәsә bir anlıq Sissin dә gözünә azca yöndәmsiz
göründü. Amma yox, belә deyil.
– Gedәk, Siss. İstәyirәm yatmazdan әvvәl bir xeyli gәzişәk.
Yol yenidәn onları evlәrә vә adamlara yaxın gәtirdi. Xalayla
yol getmәk necә dә yaxşıdı! Niyә axı heç vaxt anamla belә
gәzintilәrә çıxmıram? Siss özünә sual verdi. Cavabı bilmirdi.
Anasını nә qәdәr çox istәsә dә, onunla olanda sıxılırdı. Sıxılırdı,
amma anasının mәhz nәyindәn sıxıldığını bilmirdi. Atasının
qarşısında da sıxılırdı, amma belә baxanda yaxşı dost idilәr. Bәs
nәdәn bu azca yöndәmsiz xalayla bütün gecәni gәzmәyә hazır
idi?
Siss xahiş etdi:
– Zәhmәt olmasa, hәr şey arxada qaldı deyәndә nәyi nәzәrdә
tutduğunu mәnә anladardın.
– Yәni sәnin üçün arxada qaldı.
– Yox, yox...
– Nә etsәk dә, belәdi. Daha gözlәmәyin xeyri yoxdu. O, yox
oldu. Hәyatdan yox oldu.
Yaxşı ki qaranlıqdı.
Siss güclә eşidilәcәk sәslә soruşdu:
– Sәn nәsә öyrәnә bilmişәn?
– Yox, sәn düşündüyün kimi bilmirәm, amma... hәr halda,
bilirәm.
Siss hiss elәdi ki, indi әsas söz deyilәcәk. Xala hәlledici
sözlәri demәzdәn әvvәl öskürdü.
– Qulaq as, Siss, buradan getmәzdәn әvvәl bir mәsәlәni
sәndәn xahiş elәmәk istәyirәm: çalış, bu vaxtacan hәyatında
olanların hamısını geri qaytar. Bax deyirsәn ki, vәd vermisәn.
Amma Unn artıq dünyada yoxdursa, indi bunun nә mәnası?
Yalnız onun xatirәsinә görә hәyatındakı hәr şeydәn tәcrid

110