Page 109 - Tarey Vesos_Макет 1

Buz qəsr
– Hә, elә hey soruşurdular, soruşurdular, axırda dözә bilmәdim.
Elә suallar verirdilәr ki, cavabını bilmirdim. Elә hey soruşurdular...
– Bilirәm, xәbәrim var. Amma unutma ki, bu, axtarışların lap
әvvәlindә idi. O vaxt insanlar nәsә bir iz tapmaq üçün bütün
yollara әl atırdılar. Elә mәn dә, yadındamı, çaşqınlıq içindә
sәndәn nәsә öyrәnmәk istәyirdim. Bunun sәnin gücün xaricindә
olduğu birimizin dә ağlına gәlmirdi.
– Daha mәndәn әl çәkiblәr.
– Hә, görәndә ki, heç bir xeyri yoxdu, mәsәlәni qapatdılar.
Siss gözünü xalaya zillәdi.
– Qapatdılar?
– Hә. Özün dedin axı, sәndәn әl çәkdilәr. Elә özün dә
çoxdandı kiminsә bu dәhşәtli tarixçәni sәnin yanında xatırlamasını
eşitmәmisәn. Qadağanı sәni müalicә edәn hәkim qoymuşdu.
Mәktәbdә dә hamıya belә tapşırmışdılar.
Siss indicә eşitdiklәrindәn elә heyrәtlәndi ki, sәsi güclә çıxdı:
– Nә?
Siss düşündü ki, nә yaxşı bu qaranlıqda bir-birlәrinin üzünü
aydın görә bilmirlәr. Yoxsa bu mövzuda danışa bilmәzdilәr. Xala
söhbәt üçün münasib vaxt seçmişdi.
– Gördüyün kimi, onlar bu mәsәlәyә ciddi yanaşmışdılar.
Sәn tamam haldan düşmüşdün. Mәncә, özün dә bunu bilmәliydin.
Ona görә dә qәrara aldım ki, getmәzdәn әvvәl hәr şeyi sәnә
danışım.
Siss hәlә dә susurdu. Nәhayәt, onu heyrәtlәndirәn çox şeyin
izahını tapdı. Xala davam etdi:
– İndi, daha hәr şeyin arxada qaldığı bir vaxtda sәn hәqiqәti
bilmәlisәn. İndi, hamının ümidinin üzüldüyü bir vaxtda...
– Arxada? Nә arxada?
– Bu barәdә dә sәninlә danışmaq istәyirәm.
Sissin ürәyi bәrk-bәrk döyündü. Amma xala yenidәn әvvәlki
söhbәtә qayıtdı:
– Ancaq elә bilmә ki, hamı Unnu unudub. Bilirәm ki, elә
deyil. Onlar mәnә çox kömәk etdilәr. İndi dә tam çaşqınlıq
içindәyәm: gәrәk hamısına bir-bir baş çәkib tәşәkkürümü bildirim,
amma sadәcә halım yoxdu. Mәn dә belә adamam.
109