Page 142 - Tarey Vesos_Макет 1
P. 142
Tarey Vesos
Çәpәrin arxasındakı küknarlığın arasında iki çılpaq ağcaqovaq
ucalırdı. Bu iki ağac bir-birinә qısılıb dayanmışdı vә camaat
onlara “Mattis–Xeqe” adı vermişdi – әlbәttә ki, bacı-qardaşdan
xәbәrsiz. Bir gün Mattis tәsadüfәn bunu bildi. Bu söz bir kәlmәylә
ifadә olunurdu: Mattis–Xeqe. Vә yәqin ki, çoxdan mövcud idi.
İki quru ağcaqovaq yamyaşıl, tәzә-tәr küknarlığın ortasında
baş-başa vermişdi.
Mattis gözlәrini ağcaqovaqlara zillәyib hiddәtdәn boğulurdu.
Hәr dәfә, indiki kimi, belәcә artırmada oturanda qәrara alırdı ki,
bu mәsәlәni Xeqedәn gizlәtmәk lazımdır. Bacısı buna görә, olsa-
olsa, hiddәtlәnәcәk. Nә etmәli, onsuz da, bu ağcaqovaqlara nә
vaxtdandı bu adı veriblәr.
Bununla yanaşı, nә qәdәr ki ağcaqovaqlar sağ-salamat
yerlәrindә idi, Mattis bu mәnzәrәdә özlәrinә qarşı nәsә bir qayğı
hiss elәyirdi. Bu ağacların zәrәrdәn başqa xeyri olmasa da, bu
yerin sahibi sobada yandırmaq üçün onu Mattisin gözü qarşısında
kәsib-doğramırdı. Bu, çox qәddar hәrәkәt olardı: elә bil bu
ağaclara adları verilmiş adamları öldürürsәn. Yәqin, elә buna
görә dә o adam ağcaqovaqlara toxunmurdu.
Mattis nә vaxtsa onunla görüşmәk istәrdi. Amma hәmin
adam buralara gәlmirdi.
Mattis düşüncәlәrdәn ayrıla bilmirdi.
Maraqlıdı, görәn, kim, hansı ağılla bu ağaclara zarafatla
onların adlarını verib? Kim bilir? Mattis yay axşamları öz
artırmalarında oturub bunu yalnız tәxmin edә bilәrdi. Amma
hәmin o kimsә, heç şübhәsiz, kişiydi. Belә bir işi qadının da görә
bilәcәyini ağlına belә gәtirmәk istәmirdi. Qadınlara münasibәti
yaxşıydı. Onu әn çox hiddәtlәndirәn özünü yox, Xeqeni bu quru
ağaca bәnzәtmәlәri idi. Axı bacısı qәti belә deyildi… Baxan kimi
görünür! Xeqe çox ağıllı vә zehinlidi…
Bәs onda nәdәn belә әzab çәkir?
Özün dә bilirsәn – cavab mәnasız görünsә dә, tam hәqiqәtdi.
Heç o tәrәfә baxmaq da lazım deyil. Niyә axı hәmişә – sәhәr
yuxudan oyananda da, axşam yatmağa hazırlaşanda da hәmişә o
ağaclara baxıram. Bütün bunlar mәnә ağırlıq gәtirir.
142
