Page 92 - Sholom_Aleyhem_Макет 1

Şolom Aleyxem

– Axı sizә lyapis yazmışdım! Dәli olmusunuz, niyә bir
hәkimdәn çıxıb, digәrinin yanına qaçırsınız?
– Sakit olun, – deyirәm. – Bәyәm sizdәn başqa hәkim yoxdur?
Sizinlә müqavilә bağlamamışam axı! Hamı bir parça çörәk qazan-
maq istәyir: hәkimin dә ailәsi, arvad-uşağı var!..
Yanıb-töküldü! Guya ona nә dedim? Uzun sözün qısası,
mәslәhәt gördü ki, hәmin hәkimә müraciәt edim.
– Mәslәhәtә, – dedim, – ehtiyacım yoxdur. İstәsәm, gedәrәm.
Ovcuna bir rubl basdım. Bәlkә, elә düşünürsünüz ki, pulu
üstümә atdı? Әsla! Onlar pulu sevirlәr. Ah, bir bilәydiniz necә
sevirlәr! Bizim kimi adi adamlarda pula qarşı belә sonsuz
mәhәbbәt ola bilmәz. Mәni qarşısında әylәşdirib dinlәmәdi ki,
görsün şikayәtim nәdәndir, haram ağrıyır? Ağzımı açmağa
qoymadı...
Bu yaxınlarda bir hәkimin qәbuluna getmişdim, sizin tanı -
şınızdır, adını çәkmәk istәmirәm. İçәri girmәyә macal tapmamış,
ağzımı açmamış göstәriş verdi ki, soyunub uzanım. Mәәttәl
qaldım. Guya mәni, yәni xәstәni dinlәmәyә hazırlaşır. Dinlәmәk
istәyirsәn? Çox gözәl! Bәs niyә ağzımı açmağa qoymursan? Bә -
dәnimin ora-burasını döyәclәmәkdәn nә çıxar? Yox, siz bir işә
baxın, onun vaxtı yoxdur! Deyir, qapının dalında xәstәlәr növbә
gözlәyir. İndi dә “növbә” dәbә düşüb, vağzalda, poçtda olduğu
kimi... Nә? Sizin dә vaxtınız yoxdur? Bәlkә, sizi dә “növbә”
gözlәyir? Axı hәkim kimi hәlә cavansınız! Bu “növbә” haradan
yarandı? Bilirsiniz, әgәr özünüzü belә aparsanız, sizi “növbә”
yox, iflas gözlәyәcәk!..
Әsәbilәşmәyin yeri yoxdur. Demәdim ki, mәni pulsuz müayinә
edin, Allah şahiddir ki, belә bir fikrim yoxdur. Hәkimdә müayinәdәn
pulsuz keçәnlәrdәn deyilәm. Baxmayaraq ki, mәni әvvәldәn-
axıra kimi dinlәmәdiniz, amma bunun mәsәlәyә heç bir dәxli
yoxdur, әgәr hәkimin qәbuluna gәlmişәmsә, pulumu ödәmәliyәm...
Nә? Puldan imtina edirsiniz? Nә deyirәm, mәcbur edә bilmәrәm...
Yәqin, dolanışığınız yaxşıdır... Dәvәdәn yun qırxırsınız... Pulu
xәlbirlә yığırsınız... Nә deyirәm, Allah bol elәsin... Hәlәlik, bay-
bay! Üzr istәyirәm, bәlkә, vaxtınızı çox aldım... Hәkim qәbuluna
gәlmişәm axı...

92