Page 91 - Sholom_Aleyhem_Макет 1

Həkimin qəbulunda

mehmanxanada sәnә elә yemәk verәrlәr ki, sağ qaldığına şükür
edәrsәn. İylәr, qoxular, hava... Mәdә yazıq neylәsin? Hansına tab
gәtirsin? Xoşbәxtlikdәn, tәbiәtәn sağlam adamam, cavanlıqdan
xәstәlik nә olduğunu bilmәmişәm. Baxmayın ki, cılızam, iş mәni
bu günә qoyub! Nәslimizdә hamı belәdir – hündürboy, çәlimsiz.
Bir neçә qardaşım vardı, indi haqq dünyasındadırlar, onlar da
mәnim kimi arıq idilәr. Buna baxmayaraq, hәmişә sağlam
olmuşam, mәdә ağrısı nәdir, bilmәmişәm, Allaha şükür, ömrüm
boyu hәkimlәrin qapısını tanımamışam. Amma bir müddәt әvvәl
dadandırdılar mәni bu hәblәrә, tozlara, bitki köklәrindәn hazırlanmış
dәrmanlara, hәr hәkim dә öz göstәrişini verir: biri deyir pәhriz
saxla, az ye. Başqası söylәyir ki, dilinә heç nә vurma, yәni oruc
tut. Bitdi? Xeyr! İndi dә bir ağıllı hәkim peyda olub, deyir ki,
mütlәq yemәlisәn, çәngәl-qaşıq әlindәn düşmәsin! Görünür,
hәkim özü dә qarınquludur! Әşi, hәkimlәrin hamısı belәdir:
özlәrinә rәva gördüklәrini xәstәyә dә mәslәhәt bilirlәr! Mәәttәl
qalmışam, nә әcәb demirlәr ki, әsginasları büküb hәb kimi qәbul
elә... Adam bunların әlindәn dәli olar! Bir hәkim mәnә gecә-
gündüz tәmiz havada gәzmәyi, addımlamağı mәslәhәt görmüşdü...
İkinci hәkim gәldi, dedi uzanmalısan, gәzmәk olmaz – di gәl
anla görüm, bunlardan hansı sәfehdir?.. Hansını deyim? Biri
mәnә ilboyu lyapis, yәni “cәhәnnәm daşı” deyilәn gümüş nitrat
yedizdirirdi. Yalnız lyapis! Başqa hәkimin yanına gedirәm, daş
atıb başını tutur: “Lyapis? Ağlın çaşıb? Lyapis sәnin kimi xәstә
üçün zәhәr demәkdir! Axırına çıxacaq!” Mәnә sarı rәngli toz
dәrman yazdı, yәqin, belәsini görmüsünüz. Üçüncü hәkimә
göstәrirәm, toz dәrmanı alıb tullayır, resepti cırır, әvәzindә bitki
köklәrindәn hazırlanmış dәrmanlar yazır. Sizcә, hansı köklәrdәn?
Hәmin dәrmanlara alışınca, ödüm ağzıma gәldi! Yemәkdәn әvvәl
acı dәrmanı qәbul edәndә hәkimin ünvanına yağdırdığım qarğışlar,
görәsәn, çin olub? Hәr dәfә gedib o dünyanı görüb, qayıdırdım!
İnsan sağlamlığa qovuşmaq üçün daha nәlәri içmәyә hazırdır?
Axırda yenә mәnә lyapis verәn hәkimә üz tutmalı oldum. Hәyatımı
cәhәnnәmә çevirәn köklәrin başıma açdığı oyunu anlatdım –
özündәn çıxdı, üstümә bağırdı, elә bil әtinә bıçaq soxurdun:

91