Page 90 - Sholom_Aleyhem_Макет 1

Şolom Aleyxem

küncә qısılıram, hә? Sizi and verirәm, bunu eşitmәk gülünc,
danışmaq isә utancvericidir: hәtta bilmirәm neçә uşağım var,
adları nәdir? Böyüksüz ailә, atasız övlad pis şeydir!
Bir evimi görәydiniz, göz dәymәsin, top vursan, dağılmaz!
Amma yiyәsi olmayanda bütün bunlar әhәmiyyәtini itirir. Ev
gecә-gündüz qaynar qazan kimi qaynayır, sәs-küydәn qulaq
tutulur, ilahi, sәn özün kömәk ol! Zarafat deyil, üç arvaddan on
bir uşaq, Allah saxlasın! Biri çay içir, biri yeyir. Mәn dua
oxuyuram, uşaqlardan kimsә yatmaq istәyir. Çörәk gәvәlәyәn
kim, duzlu balıq istәyәn kim! Xama verirsәn, kәnara itәlәyib
xorla bağırırlar: “Әt! Әt yemәk istәyirik!” Süfrә arxasına keçirsәn,
çörәk doğramağa bıçaq tapmırsan, balacalar kirimәk bilmir, elә
hey dalaşırlar, adam başını götürüb qaçmaq istәyir! Niyә? Çünki
uşaqlarla mәşğul olmağa vaxtım yoxdur, arvadımın isә, göz
dәymәsin, xasiyyәti çox yumşaqdır, uşaqlarla sәrt rәftar edә
bilmir. Onlarla rәftarı da bacarmaq lazımdır. Üzünә güldün, çıxıb
oturacaq başında...
Düzdür, arvadım qışqırır, tәnbeh edir, çimdiklәyir, әtini didir,
xeyri nәdir? Anadır da! Ana heç vaxt atanı әvәz edә bilmәz! Ata
uşağı yerindә oturdar, lazım gәlәndә bir şapalaq da ilişdirәr.
Yadımdadır, atam mәni kәmәrlә o qәdәr çırpıb ki! Bәyәm atanız
sizi döymәyib? Valideyn ancaq bizim yaxşılığımızı istәyib!
Bilmirәm, atanız sizә şapalaq ilişdirmәsәydi, axırınız necә olardı?
Hara tәlәsirsiniz? Sözümü bitirirәm. Bunları ona görә danışıram
ki, hәyat tәrzimi tәsәvvür edәsiniz. Elә bilirsiniz, pulumun,
әmlakımın sayından xәbәrim var? Bәlkә, varlı adamam, çox
zәnginәm! Bәlkә dә, amma söz aramızda qalsın, müflis olmuşam.
Haradan bilim? Gecә-gündüz yırtığa yamaq tikmәklә mәşğulam:
haradasa deşik әmәlә gәlib, onu yamayıram, burada deşik var,
yamaq atıram! Әlac nәdir? Azdır, çoxdur – kimin nә vecinә?
Qıza cehiz vermәli deyilsәn? Allaha qurban olum, o qәdәr
qız payı göndәrib ki! Başınıza gәlsin! Üç qızınız olsun, yetkin
yaşda, üçünü dә eyni gündә әr evinә köçürәsiniz! Baxmaq
istәyәrdim, görüm bircә gün evdә dinc otura bilәrsinizmi? İndi
anladınız ki, niyә arı kimi dinclik bilmirәm? Buradan ora, oradan
bura! Mәsәlәn, qatarla gedәndә soyuqlaya bilәrsәn, yaxud

90