Page 87 - Sholom_Aleyhem_Макет 1

HӘKİMİN QӘBULUNDA

– Cәnab hәkim, bir ricam var: mümkünsә, mәni dinlәyin.
Yәni xәstәliyim barәdә danışıb baş-beyninizi aparmayacağam,
bunu sonraya saxlayaq. Mәrәzimi bircә-bircә anlatmaq istәyirәm.
Xahiş edirәm, dinlәyin, çünki hәkimlәr xәstәdәn şikayәt eşitmәyi
sevmirlәr, qoymurlar xәstә ağzını açsın. Onların adәtidir, danışmağa
imkan vermirlәr. Ancaq onu bilirlәr ki, nәbzi yoxlasınlar, tәlәsik
saata baxsınlar, resept yazıb pul alsınlar! Yәni xәstәni başdan
elәsinlәr! Amma sizin haqqınızda çox eşitmişәm, deyirlәr, o
hәkimlәrdәn deyilsiniz. Söylәyirlәr ki, hәlә cavandır, pula hәris
deyil, başqa hәkimlәr kimi yalnız qazanc güdmür. Ona görә dә
yanınıza gәlmişәm ki, mәdәm barәdә mәslәhәt alım. Bu mәslәhәtә
nә vaxt ehtiyac yaranır? Mәdә, sözün әsl mәnasında, mәdә olub
öz işini görәndә. Әgәr mәdә öz işini görmürsә, yırtığa yamaq
deyilsә, onda yaşamağın nә mәnası? Yәqin, müdrikcәsinә cavab
verәcәksiniz: “İnsan bu dünyada öz xoşu ilә yaşamır”. Eh, bunu
sizsiz dә bilirәm. İnsan hәyatının Allah tәrәfindәn idarә olunduğunu
ruhani mәktәbindә o qәdәr deyiblәr ki! Bәs mәnim dediyim
nәdir? İnsan sağdırsa, yaşayırsa, demәli, ölmәk barәdә düşünmür.
Ancaq, düzü, ölümdәn o qәdәr dә qorxmuram. Çünki artıq yaşım
altmışı keçib. İkincisi, elә adamam ki, yaşamaq da, ölmәk dә
mәnim üçün eynidir. Yәni yaşamaq, mәncә, ölmәkdәn üstündür.
Necә deyim, yaşamaq ölmәkdәn mәnalıdır, kim öz xoşuna
dünyasını dәyişmәk istәyәr ki? İllah da ki yәhudi! Üstәlik, on bir
uşaq atası, Allah saxlasın, özü dә evli, hәrçәnd üçüncü evlilikdir,
amma nә fәrqi, arvadlı kişi!
Uzun sözün qısası, mәn kamenetsliyәm, amma Kamenetsin
özündәn yox, ona yaxın qәsәbәdәn. Başıbәlalı dәyirmançıyam,
yәni dәyirman sahibiyәm, daha doğrusu, dәyirman mәnim
sahibimdir, çünki yeganә çörәk ağacımdır, necә deyәrlәr, “çünki
oldun dәyirmançı...” Әlacım nәdir? Hәyat bir çәrxi-fәlәkdir,
fırlanır özü üçün! Baxın: taxılı nağd pula alıb unu nisyә satırsan,

87