Page 68 - Sholom_Aleyhem_Макет 1

Şolom Aleyxem

minirdim. Bir dә gördüm ki, Odessaya aparan yoldayam vә
Qolendra stansiyasında ilişib qalmışam. Yenә dә min şükür! Hәr
halda, yolu azıb Riqaya da gedib çıxa bilәrdim. Tәlәsәn tәndirә
düşәr! Bu, birinci әhvalat...
İkincisi, arvadım teleqramlara әsaslanaraq belә bir nәticә
çıxarmışdı ki, nә Vitebskdә, nә dә Smolenskdә mәnim başıma
bir iş gәlә bilmәz. Bu hadisә yalnız iki şәhәrin arasında baş verә
bilәr. Ona görә dә iki şәhәr arasında әn uyğun mәntәqә kimi
Mogilyovu seçmişdi. Arvadım elә tәsәvvür edirdi ki, bu mәntәqәdә,
әn yaxşı halda, iki qatar toqquşub – yәni biri Smolenskdәn
Vitebskә gedirmiş, digәri isә Vitebskdәn Smolenskә gәlirmiş. O
düşünürdü ki, bütün vaqonlar relsdәn çıxıb vә aşıb, iki yüzdәn
çox adam ölüb, yüzlәrlә ağır yaralı var, sәrnişinlәrin çoxu dәli
olub vә şübhәsiz, mәn dә bu dәlilәrin arasındayam!
Ümumiyyәtlә, bilin ki, arvadımın xasiyyәti belәdir: ayağımı
qapıdan çölә qoyan kimi, ona elә gәlir ki, başıma dünyanın әn
dәhşәtli fәlakәtlәri gәlir. Mәsәlәn, dәmir yolu qәzasına düşürәm,
üstümә körpü uçur, mәni ildırım vurur, zәlzәlә, yanğın, gözlәnilmәz
epidemiya baş verir, quldurların hücumuna mәruz qalıram, ilan
çalır. Bütün bunlar yüz ildә bir dәfә baş verir, amma arvadım elә
düşünür ki, bir yerә getdimsә, demәli, mәni hәr an tәhlükә
gözlәyir. Evә sağ-salamat dönәndә gözlәrinә inanmır, mәnә
Allahın bәladan qoruduğu, ölümün pәncәsindәn aldığı xoşbәxt
bir adam kimi baxır.
Bu dәfә mәni sağ-salamat görәndә uşaq kimi ağladı. Soruşuram:
“Ay axmaq, niyә gözünün yaşını tökürsәn?” Cavab verir: “Hәlә
bir soruşur da! Bu, sәnin üçün ikinci “Rovno” deyil!..”
Yәqin, sizi maraq götürüb: görәsәn, bu, nә “Rovno”dur belә?
Әşi, Allah bir dәfә mәni sınağa çәkmişdi. Әgәr maraq sizә güc
gәlibsә, Rovno şәhәrindә başıma gәlәnlәri hәvәslә danışaram.
Әhvalat bir neçә il әvvәl baş verib. Yәhudi qәzetinin nәşri ilә
әlaqәdar Peterburqda ilişib qalmışdım vә Vilnodan keçmәklә evә
dönmәyi planlaşdırırdım. Arvadıma demişdim ki, filan ayın filan
günü Peterburqu tәrk edirәm, lazım olsa, bir-iki gün Vilnoda

68