Page 71 - Sholom_Aleyhem_Макет 1

YÜNGÜL ORUC

“Ava ayının doqquzuncu günü”ndәn bir
1
mәnzәrә

Mәşhur hәkim Taner bunu bacarmadı, amma uçuq-sökük
Kasrilovkadan olan yoxsul Xaym Xaykin öhdәsindәn gәldi.
Hәkim Taner sübut etmәk istәyirdi ki, insan qırx gün oruc
tuta bilәr, lakin iyirmi sәkkiz gün birtәhәr dözdü, az qalmışdı,
odünyalıq olsun. Kiçik qaşıqla su verirdilәr, buz qırıqlarını
udmağa mәcbur edirdilәr, nәbzini yoxlayırdılar... Alәm dәymişdi
bir-birinә!
Xaym Xaykin sübut etdi ki, qırx gündәn çox oruc saxlamaq
olar, әlbәttә, birbaşa yox, müәyyәn günlәrdә, bu da ildә yüz
gündәn çox demәkdir.
Oruc tutmaq heç dә asan deyil!
Bir damcı su da qadağandır! Buz dәnәsi udmaqdan söhbәt
gedә bilmәz! Oruc tutmaq, yәni günün iyirmi dörd saatı yemәk,
içmәk olmaz!
Yanında hәkim dә olmur ki, nәbzini yoxlasın. Sakit oturub
orucunu tutursan.
Mәsәlә belәdir.
Xaym Xaykin kasıb adamdır, çoxuşaqlı ailә başçısıdır,
uşaqlarının hesabına dolanır.
Övladlarının böyük әksәriyyәti qızdır, fabrikdә çalışır, giliz
düzәldirlәr, bәzisi gündә beş altınlıq, digәrlәri isә onun yarısını
qazanırlar. İş gündәlik deyil – şәnbә vә bayram günlәri işlәmirlәr.
Bәs etiraz nümayişlәrinin keçirildiyi günlәrdә? And olsun yaradana,
indi hәr yerdә, hәtta Krasilovkada da nümayişin nә olduğunu
yaxşı bilirlәr!

1 Ava ayının (iyul-avqust) doqquzuncu günü qәdim Yerusәlim mәbәdinin
dağıdılması ilә әlaqәdar oruc tutulan, ağlaşma vә yas qurulan gündür.
Yәhudilәrә hәmin gün yemәk, su içmәk vә dәri ayaqqabı geyinmәk
qadağandır.

71