Page 76 - Sholom_Aleyhem_Макет 1

Şolom Aleyxem

Tәkcә susuzluğa dözmәk çәtindir! Yәni oruc tutanda su
içmәk qadağandır. Xaym Xaykinә oruc tutmaq üçün hәr gün bir
stәkan su kifayәtdir, düz bir hәftә – şәnbәdәn şәnbәyә!
Bu, gәlişigözәl sözlәr deyil! İnanın, Xaym Xaykin sözünün
üstündә duran adamdır.
O, Avanın Doqquzuncu gününә qәdәr olan hәftә әrzindә
dilinә yemәk vurmadı, yalnız bir stәkan su ilә dolandı.
Ona fikir verәn var? Arvadı xәstә, ailәnin böyük uşaqları
fabrikdә, balacalar isә belә işlәrdәn heç nә anlamırlar. Freydka
vә Beylkanın isә qarnı hәmişә acdır, yemәyә bir şey axtarırlar.
– Bu gün hәrәnizә әlavә bir tikә çörәk verәcәyәm! – payına
düşәn çörәyi iki bölәn ata deyir, Freydka vә Beylka isә çörәyi
qapır, sevincdәn atılıb-düşürlәr.
– Ata, heç nә yemirsәn? – ailәnin böyük övladları şam süfrәsi
arxasında soruşurlar. – Oruc tutmaq günü deyil axı?!
– Yox, oruc deyilәm! – ata cavab verir vә düşünür: “Hәm
aldatdım, hәm dә yalan söylәmәdim. Bir qurtum su nәdir ki? Bu,
nә yemәkdir, nә dә oruc”.
Avanın Doqquzuncu günü әrәfәsindә Xaym özünü çox yaxşı
hiss edirdi. Orucunu açmağı arzulamırdı, dilinә çörәk vurmaq
istәmirdi, әksinә, hiss edirdi ki, ağzına bir tikә çörәk qoysa,
boğazında ilişib qalacaq. Uda bilmәyәcәk!
Düzdür, adamın, az qala, ürәyi dayanır, әl-ayağı әsir, hey
uzanmaq istәyirsәn, heydәn düşürsәn, ürәyin bulanır vә bayğınlıq
keçirirsәn! Yox! Ola bilmәz! Bütün hәftәni oruc tutursan, amma
әn mühüm gün әrәfәsindә tab gәtirә bilmirsәn!
Vә Xaym Xaykin payına düşәn çörәyi vә kartofu götürür,
balaca Freydka vә Beylkanı çağırıb sakitcә deyir:
– Alın, amma elә yeyin ki, ananız görmәsin.
Freydka vә Beylkanın üzünün dәrisi elә ağarıb ki, lap meyit
rәngindәdir, atanın titrәyәn әllә onlara uzatdığı çörәyi vә kartofu
götürürlәr.
Xaym isә uşaqların çörәk vә kartofu acgözlüklә necә yediyini
sakitcә seyr edir... Özü isә ağzının suyunu udub gözlәrini yumur,

76