Page 77 - Sholom_Aleyhem_Макет 1

Yüngül oruc

sonra oturduğu yerdәn qalxır, fabrikdә çalışan uşaqlarını gözlәmәdәn
dua kitabını götürür, ayaqlarını sürüyә-sürüyә sinaqoqa yollanır.
Sinaqoqa hamıdan tez gәlir. Ravvinә yaxın olmaq üçün özünә
yer düzәldir, üzüaşağı sallanmış skamyanı dartıb açır, haradansa
mum qırığı tapıb oturacağın ayağının altına yapışdırır, sonra
minbәrin divarına söykәnib dua kitabını açır: “Fәryad et, Sion,
qoy bütün şәhәrlәrin yasa bürünsün...” Gözünü yumub Sionu
qadın obrazında görür, qara geyimdә, üzündә dә qara vual...
Qadın ağlayır, zarıyır, çapalayır, özgә torpaqlarında özgә günahlarına
görә ölәn övladlarına ağı deyir, oxşayır...
Xaym gözlәrini açır vә gözәl qadın obrazı yoxa çıxır...
Günәş şüaları pәncәrәnin toz basmış çirkli şüşәlәrini dәlib
keçir. Xaym gözlәrini yumsa da, şüalar göz bәbәklәrini titrәdir,
tәsәvvüründә kimsәnin görә bilmәdiyi, yalnız ona әyan olan
parlaq günәş canlanır! Xaym Xaykin ona baxır, amma heç nә
görmür. Niyә? Yәqin, ona görә ki, Xaym artıq bu dünyanın
adamı deyil... Rahatlıq tapır... Yüngüllük duyur... İndi hәr
mәşәqqәtә dözә bilәr... Orucu yüngül olacaq... Bilirsiniz, bu gün
orucu çox rahat vә yüngül keçәcәk!
Xaym әli ilә gözlәrini örtür vә qarşısında qәribә bir dünya
canlanır. Bu dünyanı әvvәllәr heç vaxt görmәyib. Mәlәklәr
havada uçuşur, o, diqqәtlә baxır vә övladlarını tanıyır, hamısını
bir nәfәr kimi. Nәsә demәyә çalışır, amma bacarmır... Özünü
tәmizә çıxartmaq istәyir, günahsız olduğunu sübuta yetirmәyә
çalışır... Onun günahı yoxdur!.. Әgәr bütün yәhudilәri balaca bir
mәkana toplayıblarsa vә onlar bir-birini әzib keçirsә, әtini didirsә,
Xaym nә günah sahibidir? Әgәr adamlara yadların alın tәri,
onların qanı lazımdırsa, Xaymı günahkar saymaq olarmı? Әgәr
insanlar bir-birini at kimi istismar etmәk hәddinә çatıbsa, buna
görә Xaym neylәsin? Amma adamın ata da yazığı gәlir – Allahın
yaratdığı mәzlum mәxluqdur!..
Xaym Xaykin gözlәrini açmadan hәr şeyi, bütün dünyanı,
bütün dünyaları görür, hamısı nura boyanıb vә yel kimi ötüb-
keçir... Hiss edir ki, bәdәnindәn, cismindәn, qәlbindәn nәsә

77