Page 73 - Sholom_Aleyhem_Макет 1

Yüngül oruc

Qәsәbәdә hamı şikayәtlәnir ki, iş tapmaq mümkün deyil. Bu
qәdәr yәhudini yığıblar bir mәkana... Guya yaxşılıq ediblәr, ağ
günә çıxarıblar!
“Buna da min şükür! – Xaym Xaykin belә düşünür. – Yaxşı
ki, uşaqlar var. Başqaları Allahın bu nemәtindәn dә mәhrumdur.
Amma uşaqların ümidinә qalmaq...”
Eh, bilirsiniz, uşaqların ümidinә qalmaq heç kişilikdәn deyil.
Ona görә yox ki, onlar atasına kömәk etmәk istәmәzlәr, belә
vәziyyәti düşmәnә dә arzulamıram! Amma bunu şәninә sığışdıra
bilmir. Bacarmır, vәssalam!
Yaxşı bilir ki, övladları gün әrzindә işdә necә yorulur.
Sәhәrdәn-axşama qәdәr qan-tәr içindә çalışırlar. O, bunlardan
xәbәrdardır!
Ata üçün çörәyin hәr tikәsi bir damla qana bәrabәrdir. O,
uşaqlarının qanını içir. Eşidirsiniz? Xaym Xaykin övladlarının
qanını içir! Amma şәninә sığışdırmır!
– Ata, niyә yemirsәn? – uşaqlar soruşur.
– Bu gün... orucam, – Xaym Xaykin cavab verir.
– Yenә? Oruc nә qәdәr çәkir?
– Bir hәftәdәn az.
Xaym Xaykin yalan söylәmir. Tez-tez oruc tutur. Әlbәttә, elә
günlәr olur ki, ağzına nәsә atır. Amma oruc tutduğu günlәr
ömrünün әn gözәl çağıdır.
“Әvvәla, Allah orucu savab sayır, bununla ona mәhәbbәt vә
sayğı bildirirsәn, xal qazanırsan... İkincisi, mәnim üçün bir qәpik
dә xәrclәnmir. Kimsәyә hesabat vermәk mәcburiyyәtindә qalmıram.
Düzdür, әslindә, mәndәn hesabat soruşan da yoxdur. Bunlar
mәnә lazımdırmı? Әsla! Onlarsız da keçinә bilәrәm. Özümü
heyvandan bir qarış üstün tuturam. Bunun qiymәti yoxdur!
Heyvan hәr gün qarnını doydurmağa çalışır, mәn isә bir gündәn
bir yeyә bilәrәm. İnsan heyvandan fәrqlәnmәlidir. Ah, kaş insan
elә bir sәviyyәyә gәlib çataydı ki, ümumiyyәtlә, yemәksiz keçinә
bilәydi!.. Onda dünya tam fәrqli olardı! – Xaym Xaykin bunu
özünә xitabәn deyir, aclıqdan fikirlәri qarışır, filosofluq etmәyә

73