Page 66 - Sholom_Aleyhem_Макет 1

Şolom Aleyxem

bütün mәsәlәlәrdә arvadım “professor”dur. Vaxt itirmәdәn arvadıma
bir neçә sözdәn ibarәt qısa teleqram göndәrirәm:
“Mәnә teleqram vur görüm, bu gün harada olmalıyam?”
Teleqramı göndәrib bir qәdәr sakitlәşdim vә çuğundurlu borş,
zraza vә ördәk yemәk üçün restorana qayıtdım. Sonra otağa
gәldim, bir az mürgülәmәk istәdim, ancaq dәrhal yuxuladım.
Yuxuda vurnuxan qırmızı qadınlar vә qara pişiklәr gördüm... Bu,
bir işarәdir: әgәr qırmızı qadınlar vә qara pişiklәr yuxuma gәlibsә,
demәli, işlәrim fırıqdır! Belә dә oldu! Yuxudan oyanıram. Aman
Allah! Yatıb qalmışam! Dabana tüpürüb qaçmaq lazımdır, bәlkә,
Smolenskә yetişmәk mümkün oldu! Çaparaq gәlib qatara minirәm,
Smolenskә yollanıram. Vaqonda bәlәdçidәn soruşuram ki, qatar
Smolenskә nә vaxt çatacaq? Bәlәdçi gözlәrini uzunboğaz
çәkmәlәrinin ucuna zillәyib deyir ki, mәn Smolenskdә sabah
sәhәr altıda olacağam. Dәrhal özümdәn çıxıram:
– Necә yәni, sabah sәhәr altıda? Mәn bu gün әn geci axşam
saat yeddidә orada olmalıyam!..
Bәlәdçi әhvalını pozmayıb sakitcә dinlәyir, sonra qolundakı
saata işarә edib bildirir ki, burdan Smolenskә hәtta poçt qatarı әn
azı on iki saata gedir, indi saat dörddür, biz bu gün Smolenskә
necә çata bilәrik?..
Demәli, haqlıdır? Bundan mәnә nә? Smolensk getdi işinin
dalınca! Bәs indi neylәyim? Vitebskә qayıdım? Cәhәnnәm olsun!
Bircә bilsәydim, Mogilyovla bağlı işlәr necә gedir? Arvadımdan
yaxşı bunu kim bilәr? Birdәn yadıma düşdü ki, arvadımdan
teleqramı Vitebskә göndәrmәyi xahiş etmişdim, özüm isә Smolenskә
gedirәm... Bәs mәsәlәni necә yoluna qoyum? Ağlını işlәdәn
adam hәmişә çıxış yolu tapa bilәr, düz demirәm? Arvadıma
teleqram vurmaq üçün bәlәdçini stansiyaların birindәki poçta
göndәrirәm:
“Smolenskә teleqram vur görüm, mәn Mogilyovda nә vaxt
olmalıyam?”
İndi gәlin dil haqqında elm olan filologiyanın cәngәlliklәrinә
baş vuraq. Göndәrdiyim iki teleqramın mәtnini gözdәn keçirәk.

66