Page 62 - Sholom_Aleyhem_Макет 1

Şolom Aleyxem

tәklif etmәyә haqqımız yoxdur. Yeganә tәklifimiz belә ola bilәr
ki, hәm bizdә, hәm dә başqa sinaqoqda şeypur çalın...” Bu sözlәr
mәni düşünmәyә mәcbur etdi: әgәr ikinci sinaqoqda da şeypur
çalmaq şansı düşübsә, niyә üçüncü, dördüncü sinaqoqa da gedib
bu işlә mәşğul olmayım? Lazımdırsa, lap beşinciyә dә gedәrәm.
Düşdüm Dauntaunun canına, bir sinaqoqdan digәrinә, bir
ibadәtgahdan o birisinә ayaq döyürdüm. Hәr yerdә şeypur çalıb
sәnәtimi göstәrdim, uğur qazanırdım, ifamı çox bәyәnirdilәr,
çünki çalmağa başlayan kimi adamlar axışıb ibadәtә gәlirdi.
İfamı hakimlәr, konqresmenlәr, yüksәk rütbәli mәmurlar dinlәyib
mәәttәl qalırdılar: “Әla çalır!” Tәsәvvür edin, birinci il bir sinaqoq
vә iki ibadәtgahda işlәyirdim. Növbәti ildә üç sinaqoq vә beş
ibadәtgahda çalmağa başladım. Allah qoysa, bu il sayını daha da
artıracağam, әmәlli-başlı pul qazanacağam. Yәqin, maraqlanırsınız:
bir adam bu nәhәng biznesin öhdәsindәn necә gәlir? Bunu
soruşmayın! Bura Amerikadır, әzizim! Bu ölkәdә әvvәl-axır hәr
şeyә alışırsan. Sәhәr bir sinaqoqda, günorta digәrindә, axşam da
bir başqasında çalırdım. Çalışırdım ki, adamlar “satisfayt”
olsunlar, yәni razı qalsınlar, geciksәm, çörәkdәn qalaram,
“reputeyşn”ımı itirәrәm, yәni gözdәn düşәrәm. Yәqin, mәәttәl
qalmısınız, cәnab Şolom Aleyxem, danışanda tez-tez ingilis
sözlәri işlәdirәm. Uşaqlara görә. Çünki onlar artıq әsl amerikalı
olublar, yәhudi dilindә kәlmә dә kәsmәk istәmirlәr! Mәnim
“boy”larımı, yәni oğlanlarımı görsәniz, inanmazsınız ki, yәhudi
balalarıdır. Elә mәnim özümü dә bayramdan sonra tanımayacaqsınız.
Elul ayı gәlmәzdәn xeyli әvvәl uzunәtәkli pencәyimi atıram bir
kәnara, saqqal uzadıb evdә eşәlәnәn kişiyә bәnzәyirәm... Amma
elә ki bayramlar bitdi, saqqal qırxılır, şlyapa qoyub oluram
centlmen... Amerikada biznes naminә daha nә oyunlardan
çıxmırlar?.. Mister, görürәm, qәzetdә barәmdә yazı vermәk
istәyirsiniz, hәtta cib dәftәrçәsini dә çıxarmısınız. İşinizdә olun,
yazan әliniz var olsun! Sizә “çox sağ ol” deyәrәm. Bu, mәnim
üçün әla reklam olacaq... Üstәlik, xahiş edirәm, yazıda ünvanımı
da qeyd edin: “Mister Qrin, Çerri-strit, Nyu York...” “Pliz”...Yәni
buyurun... Ümidvaram, Aptaunda hәlә görüşәcәyik... Mәndәn
sizә böyük bir “qud-bay!”

62