Page 61 - Sholom_Aleyhem_Макет 1

Mister Qrin iş tapır

mirdik, amma nә faydası? Axır, sentyabr ayı gәldi, bayramlar
qapını kәsdirdi. Gördüm ki, qәzetlәrdә dükanları, sinaqoqları,
ibadәtgahları reklam edirlәr. Dükanların vitrinlәri hәm adi, hәm
dә bayram atributları ilә – dini әşyalar, qoç buynuzu, taleslә
doldu. Baxdım ki, adamların üzü gülür, biznes naminә Allaha
yaltaqlanırlar... Düşünüb-daşındım vә özümә dedim: “Mister
Qrin! Nә vaxta qәdәr әl-qolunu sallayıb gәzәcәksәn? Elul ayından,
on müqәddәs gündәn sәn dә payını almalısan, ya yox?”
Amma halva-halva demәklә, ağız şirin olmur!.. Әlimi nәyә
uzadım, nә iş görüm? Bәlkә, çәkmәçi dükanı açım? Amma heç
vaxt çәkmәçi olmamışam axı!.. Bәlkә, faytonçu olum? Yox, atam
da faytonçuluq elәmәyib... Heç yalvarsalar da, ravvin olmaram,
çünki az-çox savadım var vә sözlәrin mәnasını anlayıram...
Bәlkә, halal әt satan qәssab? Amma orda, vәtәndә dә oğurluq
atların әti ilә alver etmәmişәm...
Sizin Tevye demişkәn, bütün bunları düşünә-düşünә sinaqoqa
yollandım... Sentyabr ayının әvvәlidir, adamlar dua edir, psalom
oxuyurlar... Duadan sonra sinaqoqa gәlәnlәrdәn biri soruşdu:
“Bәs bizim üçün qoç buynuzunda kim çalacaq?” İrәli çıxdım:
“Qoç buynuzunda? – dedim, – icazәnizlә...” Yәqin, soruşacaqsınız
ki, buynuzda çalmağı hardan öyrәnmişәm? Mәsәlә belәdir:
әvvәllәr şeypur çalmamışam, atam-babam bu işlә mәşğul olmayıb.
Amma uşaqlıqda, dostlarımla birlikdә hardansa buynuz tapıb
şeypur kimi gecә-gündüz çalırdıq, adamların zәhlәsini elә tökürdük
ki, sinaqoq xidmәtçilәri bizi qovurdular. Uzun sözün qısası, bu
işdәn başım çıxır, sözünüzә qüvvәt, deyir oldun dәyirmançı...
Buynuzu ağzıma dirәyib bir çalmaq çaldım ki, gәl görәsәn!
Axırıncı notu elә uzatdım ki, sәsi, bәlkә dә, Bruklin körpüsündә
eşidildi! Belә usta ifanı görәn sinaqoqdakılar soruşdular: “Cavan
oğlan, hardan gәlmisiniz?” Cavab verdim: “Sizin üçün nә fәrqi?”
Dedilәr: “Bәlkә, burda qalıb bayramlarda şeypur çalasınız? Bizim
şeypurçumuz dünyasını dәyişib”. Bildirdim: “Әgәr burda şeypur
çalmaqla çörәkpulu qazana bilәcәyәmsә, etiraz etmirәm”. Dedilәr:
“Tәkcә şeypur çalmaqla dolanmaq çәtin olar. Gәrәk başqa bir
işin dә qulpundan yapışasan...” Soruşdum: “Hansı işin? Kimәsә
faytonçuluq edim? Hәyәt-baca süpürüm?” Bildirdilәr: “Әgәr
buynuzda belә ustalıqla çalmağı bacarırsınızsa, sizә çirkli işlәr

61