Page 48 - Sholom_Aleyhem_Макет 1

Şolom Aleyxem

Allahın insana yol açmağı böyük sәadәtdir, amma bu
xoşbәxtliyә düşmәndәn heyif çıxmağın sevinci dә әlavә olunanda
hisslәri qәlәmә almaq mümkün deyil. Düşmәnin sәnә hәsәd
apardığını, paxıllıqdan partladığını, saralıb-solduğunu görmәk
insana o qәdәr güc, inam vә sevinc bәxş edir ki, adam hәr şeyi
unudub başlayır sәfeh işlәr tutmağa.
Bizim Raxmiel-Moyşe senatdan o qәdәr danışdı ki, adamları
әmәlli-başlı bezdirdi. Nә qәdәr olar? Adamın ürәyi bulanır: senat,
senat, yenә dә senat!
Bu söhbәtlәr şәhәr camaatının zәhlәsini tökmüşdü. Amma
Raxmiel-Moyşenin dilindәn eşitdiyi bu әhvalat Naxmen-Leybin
ürәyinә tikan kimi batırdı. Raxmiel-Moyşe gecә-gündüz gözü ilә
Naxmen-Leybi axtarırdı, onu görәn kimi yaxınlaşıb, başlayırdı
danışmağa:
– Görünür, senatda sanballı adamlar әylәşib!..
Naxmen-Leyb qaçıb gizlәnirdi, ancaq Raxmiel-Moyşe onu
tapıb sözünü yeridirdi, özü dә ucadan danışırdı ki, düşmәni yaxşı
eşitsin:
– Dünәn bilәrәkdәn Qoltada gecәlәdim. İstәyirdim pristav
mәni görsün, amma gәlmәdi.
Raxmiel-Moyşe arvadı ilә elә әmin-amanlıqla yaşayırdı ki,
qadın imkan düşәn kimi әrinә zidd gedirdi. Amma indi, Nax-
men-Leybin uduzduğu bir mәqamda qadın әrinә bütün şәhәrә
car çәkmәkdә, Naxmen-Leybin vә onun arvadının zәhlәsini
tökmәkdә dәstәk verirdi. İş o hәddә çatmışdı ki, Naxmen-Leyb
vә arvadı gecә-gündüz dua edirdilәr ki, tezliklә Şvues bayramı
gәlәydi, Raxmiel-Moyşe arvadı Raxmiel-Moyşixa ilә birlikdә
cәhәnnәm olub gedәydilәr! “Zalım uşağı, göz açmağa qoymur!”
Nәhayәt, Allahın sanki onlara rәhmi gәldi, Şvues bayramı
bitdi, amma Raxmiel-Moyşe arvadı ilә Qoltaya köçmәyә tәlәsmirdi.
Görәn, başları nәyә qarışıb? Bir hәftә gec getsәlәr, dünya dağılmaz
ki? İlahi, şükürlәr olsun ki, senat onlara köçmәk hüququ verib.
Nәhayәt, mayın iyirmi beşi gәldi vә qәzetlәrdә (bu qәzetlәri kim
icad edib?) yәhudilәrin mәskunlaşmasına, ev tikmәsinә, torpaq
alıb әkin-biçinlә mәşğul olmasına icazә verilәn yüz bir şәhәrin

48