Page 45 - Sholom_Aleyhem_Макет 1

Yüz bir

bilirdi, amma böyük әksәriyyәt bu xoşbәxtlikdәn mәhrum olmuşdu.
Çuğul ucbatından bir çox ailәlәr şәlә-külәsini yığıb Qoltadan
körpü ilә Boqopola mühacirәtә getmәyә mәcbur idi. Bu sәbәbdәn
dә qәsәbәdә, yәni Boqopolda dilәnçilәrin, avaraların, bir-birinin
әtini yeyәnlәrin sayı artmışdı...
Yәhudilәr fәrmanın tәlәblәrinә әl-qol sallayıb tabe olmaq
istәmirdilәr, ona görә dә döyüşürdülәr (әlbәttә, kağız üzәrindә).
Belәliklә, yәhudilәrlә polis, yәhudilәrlә elә yәhudilәr arasında
kağız müharibәsi başlandı. Polisә qucaq-qucaq әrizә gәlirdi,
sonra onları quberniyaya ötürürdülәr, oradan senata, yenә dә
senatdan quberniyaya, oradan da polisә. Bu müharibә iyirmi il
idi davam edirdi. Qorxuram ki, gәlәcәkdә bu hadisәlәri araşdıracaq
salnamәçi hәmin mәrhәlәni “iyirmiillik müharibәnin tarixi”
adlandırsın. Qoy gәlәcәyin qoltalı vә boqopollu yәhudilәri
mәsәlәnin mahiyyәtindәn әtraflı xәbәr tutsunlar...
Döyüşәn tәrәflәr arasında iki nәfәr vardı: Qoltadan olan
Raxmiel-Moyşe Boqopolski vә onun qan düşmәni, Boqopoldan
olan Naxmen-Leyb Qoltanski.
Sizi әsla tәәccüblәndirmәsin ki, Raxmiel-Moyşe qoltalı olsa
da, soyadının sonunda Boqopolski yazılır, Naxmen-Leyb isә bo-
qopollu ola-ola ona Qoltanski deyirlәr. Mәn, mәsәlәn, Belıy
Serkovda yaşayan Çerkasski soyadlı adam tanıyıram, digәr
tanışım isә Çerkasskda yaşayır, amma soyadı Belotserkovskidir.
Canım sizә desin, biri var, Kremençuq şәhәrindәndir, soyadı
Taraşanskidir, amma Kremençuqski soyadlı adam isә Taraşe
şәhәrindә doğulub. İlk baxışdan, әgәr Çerkasskda doğulmuş
Çerkasski soyadlı tanışım elә hәmin şәhәrdә, Belotserkovski
bilavasitә Belıy Serkovda, Taraşanski – Taraşedә, Kremençuqski
isә Kremençuqda yaşasaydı, heç dә pis olmazdı. Amma hәr
adam öz şәhәrinә bağlansaydı, dünya hara gedib çıxardı? Nә isә,
söhbәti uzatmayaq, qayıdaq 1882-ci il mayın 3-nә.
Bütün ömrünü Boqopolda yaşamış Naxmen-Leyb Qoltanski
mәhz mayın ikisindәn üçünә keçәndә Qoltada gecәlәmәli idi. İş
elә gәtirdi ki, adı uryadnikin tәrtib etdiyi protokola düşdü vә bu

45