Page 46 - Sholom_Aleyhem_Макет 1

Şolom Aleyxem

da onun Qolta sakini olmasına sübut sayıldı. Birinin qismәtinә
xoşbәxtlik, digәrininkinә isә bәdbәxtlik düşәndә belә olur!
Şübhәsiz, bu, Raxmiel-Moyşenin acığına gәldi vә o, Naxmen-
Leybin ayağının altını qazmağa başladı. Nәhayәt, tәkzibolunmaz
faktlarla sübuta yetirdi ki, Naxmen-Leyb Boqopol sakinidir. Nax-
men-Leyb dә әl-qolunu sallayıb oturmamışdı, sәnәdlәrin kömәyi
ilә sübut etdi ki, 1882-ci il mayın 2-dәn 3-nә keçәn gecә
düşmәninin adı uryadnikin dәftәrinә düşüb. Bundan başqa,
Qoltanski soyadı bir daha göstәrir ki, o, yәni Naxmen-Leyb –
Qolta sakinidir, Raxmiel-Moyşe isә boqopolludur, çünki soyadı
buna dәlalәt edir: Boqopolski, yәni boqopollu!
Naxmen-Leyb quberniyaya mәktubunda belә yazmışdı. Lakin
Raxmiel-Moyşenin dә susmaq fikri yox idi. O, kağız alandan
sonra şahid ifadәlәri ilә sübut etdi ki, Naxmen-Leybin soyadı
Qoltanski olsa da, әslindә, Boqopol sakinidir. Sübut: onun Bo-
qopolda fәrdi evi, sinaqoqun küncündә şәxsi yeri var. Qoltalının
Boqopolda fәrdi ev, sinaqoqda şәxsi künc nәyinә gәrәkdir?
İki qan düşmәni arasında kağız müharibәsi o qәdәr qızışdı ki,
nәhayәt, bu iki adamın yazdığı mәktublar quberniyanın zәhlәsini
tökdü. Oradan göstәriş gәldi – hәr ikisini Qoltadan çıxarın,
nәzarәt edin ki, heç birinin orada gecәlәmәyә cürәti çatmasın.
– Ay eşşәk, nә ağzına su almısan?
– Dillәnmәyin xeyri var?
– Bәs senat nә üçündür? Ora yaz!
– Senata niyә mәktub yazmalıyam? Quberniya idarәsi qәrar
çıxarıb ki, mәn boqopolluyam.
Raxmiel-Moyşixa qızışdı:
– Bәyәm senat әtini yeyәcәk? Yaz da!
– Buna bir baxın! Bircә senatımız çatmırdı! Nәdir, istәyirsәn
ki, bizi Boqopoldan da qovsunlar?
Raxmiel-Moyşenin arvadı Raxmiel-Moyşixa hәmişә istәyinә
nail olurdu. Amma indi çarәsiz idi. Raxmiel-Moyşenin tәrsliyi
tutmuşdu, nәhayәt, senata әrizә verdi, ancaq bilmirdi ki, başına
hәlә çox işlәr gәlәcәk...
Xeyli zaman ötdü, tәxminәn iyirmi il. Bir dәfә, yayın әvvәlindә
Raxmiel-Moyşe özünün xırdavat dükanında oturmuşdu, heç se -

46