Page 391 - Sholom_Aleyhem_Макет 1

Südçü Tevye

– Mәsәlәn, hansı işlә?
– Dünyada iş qәhәtdir? Nә qәdәr lazımdırsa, pul verә bilәrәm,
tәki sizi daha “Südçü Tevye” çağırmasınlar vә ya... dayan-dayan,
bilirsiniz, nә var? Bәlkә, birdәfәlik Amerikaya köçәsiniz, hә?
Bunları deyib siqarı damağına qoyur vә gözlәrimin içinә
baxır, dazı da par-par yanır... Hә, indi bu kobuda nә cavab
verәsәn? Әvvәlcә fikirlәşirәm: “Nәdir, Tevye, nә heykәl kimi
dayanmısan? Qalx, vidalaşmadan qapını çırpıb get!” Sözlәri
mәnә çox yer elәdi! Sәn bu podratçının cürәtinә, hәyasızlığına
bax! “Bu, nә demәkdir, – tәklif edirsәn ki, namus vә şәrәflә
qazandığımı atıb Amerikaya gedim? Rotşild sәnin evinә baş
çәkә bilәr, buna görә südçü Tevye, kim bilir, haralara qaçıb
getmәlidir?!” İçim qazan kimi qaynayır, әslindә, az öncә dә
hәyәcanlı idim, indi isә әsәblәrim gәrilib, Beylkaya acığım tutur:
“Şahzadә xanım kimi yüzlәrlә saatın, minlәrlә güzgünün arasında
oturmusan, dünya vecinә deyil, halbuki atanı közün üstü ilә
qaçmağa mәcbur edirlәr!”
“Sevinirәm ki, bacın Qodl düz iş gördü! – fikirlәşirәm. –
Qodlun dәbdәbәli sarayı, var-dövlәti yoxdur, amma Perçik kimi
namuslu әri var... Axı o, özünü düşünmür, başqalarının rifahı
naminә mücadilә aparır... Hәm dә Perçikin başı parıldayan güvәc
deyil... Dili isә xalis qızıldır! Ona bir kәlam deyәrsәn, üçünü
qaytarar! Dayan, podratçı, indi sәnә elә bir kәlam deyim ki,
gözlәrin qaralsın!”
Onu çox intizarda qoymuram, dәrhal sözә başlayıram:
– Talmutun sizin üçün әlçatmaz olması, hәlә bәlanın yarısıdır:
әgәr bir nәfәr Yequpetsdә yaşayırsa, adı Pedotsurdursa vә podratla
mәşğul olursa, bunun Talmuta heç bir dәxli yoxdur. Amma adi
sözü çarıqlı kәndli dә başa düşür. Yәqin, Müqәddәs kitabda
arameyli Livan haqqında nә yazıldığını bilirsiniz: “Donuzun
quyruğundan papaq çıxmaz...”
Dәvә nalbәndә baxan kimi gözlәrini mәnә zillәyib soruşur:
– Bununla nә demәk istәyirsiniz?
– Yәni donuzun quyruğundan papaq tikә bilmәzsәn!

391