Page 390 - Sholom_Aleyhem_Макет 1

Şolom Aleyxem

– Nә olar, әgәr xoşniyyәtli mәsәlәdirsә, buyurun, qulaq
asıram.
Siqarı damağından götürüb mәnә müraciәt edir:
– Ağılsız adam deyilsiniz, – deyir, – sizinlә açıq danışsam,
incimәyin. Bilmәlisiniz ki, böyük işlәrlә mәşğulam. Belә işlәrә
girişәndә...
– “Hә! – fikirlәşirәm. – Yәqin, mәni nәzәrdә tutur!” Sözünü
kәsirәm:
– Bizim Talmutda deyilir: “Var-dövlәtin artdıqca qayğın da
çoxalacaq”. Mәnasını bilirsiniz?
Diqqәtlә mәnә baxıb cavab verir:
– Sizә sәmimi deyә bilәrәm ki, heç vaxt Talmutu oxumamışam
vә hәtta onun necә olduğunu da bilmirәm!
Vә pıqqıltı ilә gülmәyә başlayır. Mәn isә gözlәrimi döyürәm,
bu tәnәli gülüşün sәbәbini anlaya bilmirәm. Madam Allah sәni
cәzalandırıb vә nәticәdә cahil, savadsız qalmısan, heç olmasa,
üstünü vurma! Buna bax, gör nә ilә fәxr edir!
– Mәn әksini düşünürdüm! – deyirәm. – Amma bilirәm ki,
sizin müqәddәs kitablarla aranız yoxdur... Yaxşı, bunu bir kәnara
qoyaq, qulağım sizdәdir…
– Demәk istәyirәm ki, mәn hörmәtli adamam, adım-sanım,
cәmiyyәtdә tutduğum mövqe var. Buna görә dә sizin “Südçü
Tevye” adlandırılmağınız ürәyimcә deyil, hәm dә mәnә yaraşmır.
Bilin ki, qubernatorla şәxsәn tanışam, evimә nüfuzlu adamlar,
mәsәlәn, Brodski, Polyakov, lap elә Rotşildin özü gәlir! Heç
yaxşı düşmür…
Pedotsur danışdıqca parıldayan dazına baxıb düşünürәm:
“Ola bilәr ki, qubernatorla şәxsәn tanışsan vә Rotşild evinә gәlir,
amma murdar köpәkdәn betәrsәn!”
Sözlәrindәn incimirәm, gözünün içinә baxıb soruşuram:
– Birdәn Rotşildin özü gәlsә, nә ola bilәr ki?
Elә bilirsiniz, onu әlә salmağımı başa düşdü? Әsla!
– İstәyirdim ki, – deyir, – siz bu süd işini atıb başqa bir işlә
mәşğul olasınız.

390