Page 383 - Sholom_Aleyhem_Макет 1

Südçü Tevye

– Sәbәbi nәdir? – soruşuram.
– İndi nikahlar evdә bağlanmır, – deyir.
– Bәs harda bağlanır?
– Oralarda, xaricdә...
– İndi mәnim kimilәr neylәsin? Heç babamın nәnәsi dә
oralarda olmayıb!
– Sizә layiq, – tütün kisәsini mәnә uzadır, – reb Tevye,
mәnim burada bir malım var...
– Mәsәlәn?
– Dul qadındır, – cavab verir, – uşağı da yoxdur, yüz әlli rubl
cehizi var, varlıların evindә aşpaz işlәyib...
Ona baxıb soruşuram:
– Reb Efraim, siz kimi evlәndirmәyi nәzәrdә tutursunuz?
– Necә yәni kimi? – deyir. – Әlbәttә, sizi!
– Tfu, lәnәtә gәlәsәn! Ağlınız çaşıb, nәdir? – qırmancla atı
vururam ki, tәrpәnsin.
Bu vaxt Efraim dillәnir:
– Reb Tevye, әgәr xәtrinizә dәydimsә, üzr istәyirәm. Zәhmәt
olmasa, deyin, bәs kimi nәzәrdә tuturdunuz?
– Kimi nәzәrdә tutacağam, – deyirәm, – әlbәttә, kiçik qızımı!
Yerindәn atılıb әlini alnına vurur:
– Ay sәni! Nә yaxşı ki, yadıma saldınız, reb Tevye, Allah öm-
rünüzü uzun elәsin!
– Amin! – cavab verirәm. – Sizә dә zühura qәdәr yaşamağı
arzulayıram. Amma sevincinizin sәbәbini anlamadım…
– Әla! – deyir. – Bundan yaxşısını tapmaq olmaz!
– Axı nә olub?
– Kiçik qızınız üçün әla namizәdim var, canlara dәyәn
oğlandır. Elә hesab edin ki, sizә xoşbәxtlik üz verib, biletiniz
udub. Әvvәla, varlıdır, pul kisәsi aşıb-daşır, milyonçu Brodski
kimi! Özü podratçıdır, adı Pedotsurdur!
– Pedotsur? – soruşuram. – Tövratda bu adı eşitmişәm.
– Tövratın bura nә dәxli? O, podratçıdır, ev, körpü tikir,
müharibә vaxtı Yaponiyada olub, bir әtәk pul gәtirib, cins atlarda,

383