Page 379 - Sholom_Aleyhem_Макет 1

Südçü Tevye

hәm özlәrinin, hәm dә başqalarının hәyatını zәhәrlәyirlәr? Xoşbәxt
yaşaya bilmirlәr? Doğrudanmı Allah insanları әzab çәkmәk üçün
yaradıb? Axı dünya niyә belә qurulub?
Beynimdә dolaşan bu fikirlәrdәn azad ola bilmirәm. Nәhayәt,
xutora gәlirәm, uzaqdan, tәpәnin yanında toplaşmış adamları
görürәm. Nә baş verib? Yanğın? Bәlkә, kimsә çayda boğulub?
Duada deyildiyi kimi: “Kimsә bilmir ki, ölüm onu harda yaxa -
layacaq...”
Birdәn görürәm ki, mәnim Qoldam yüyürür, külәk başındakı
yaylığı әsdirir... Uşaqlarım – Taybl vә Beylka çığırıb ağlayırlar:
– Qızım! Bacımız! Şprinsa!
Sizdәn soruşmaq istәyirәm: suda boğulmuş adam görmüsünüz?
Heç vaxt? İnsan dünyasını dәyişәndә hәmişә gözlәri bağlı olur...
Suda boğulanın isә gözlәri açıq qalır... Sәbәbini bilmirsiniz ki?
Üzr istәyirәm, vaxtınızı aldım. İşim başımdan aşır: atı
rahatlayıb malları paylamalıyam. Hәyatın tәlәbi belәdir! Bir
parça çörәk üçün gәrәk özünü oda-közә vurasan! Acıları unudub
yaşamaq lazımdır. Zaman böyük hakimdir, vaxt keçdikcә, dәrd-
sәrin üzәrini dәrin torpaq qatı örtür. Hәyat hәqiqәti isә bundan
ibarәtdir: nә qәdәr canın suludur, hәrәkәt elә, Tevye!
Salamat qalın, mәni xoşluqla xatırlayın, barәmdә pis
düşünmәyin…

Tevye Fәlәstinә gedir

Tevye bu әhvalatı vaqonda danışıb
İlahi, kimi görürәm! Necәsiniz, reb Şolom Aleyxem? Tәsadüfә
bir bax! Yatsam, yuxuma da girmәzdi! Hә, salam! Xoş gördük!
Bilirsinizmi, gecә-gündüz mәni bir sual düşündürür: bu, nә
tapmacadır, belә? Tevye uzun müddәtdir Boyberikdә, Yequpetsdә
görünmür. Sәbәb nәdir? Dünyada adamın başına nә iş desәn,
gәlә bilәr. Yәni Allahın әmri ilә dünyasını dәyişib? Әcdadlarının
yanına tәşrif aparıb? Digәr tәrәfdәn, fikirlәşirәm: yәni belә bir
ağılsız iş tutar? Axı müdrik adamdır!

379