Page 372 - Sholom_Aleyhem_Макет 1

Şolom Aleyxem

Tәklif etdim ki, bu söhbәti sonraya saxlayaq vә zarafatla soruşdum:
elә bundan ötrü tәşrif buyurub? Deyirәm: “Әgәr elәdirsә, nahaq
zәhmәt çәkmisiniz...” Qonaq ciddi görkәm alır:
– Әslindә, başqa mәsәlәyә görә gәlmişәm. Gәlin bir az
gәzişәk.
“Gәzintinin mәsәlәyә nә dәxli?” – fikirlәşib, onunla birlikdә
meşәyә yollanıram. Günәş dağların arxasına çәkilib, meşә
qaranlıqdır, çayın kәnarında qurbağalar sәs-sәsә verib, yaşıl
otların әtri adamı bihuş edir – cәnnәtdir! Nәhayәt, cavan oğlan
ayaq saxlayır, öskürüb deyir:
– Reb Tevye, desәm ki, qızınız Şprinsanı sevirәm, onunla
evlәnmәk istәyirәm, buna cavabınız necә olar?
– Necә olacaq? – cavab verirәm. – Belә deyәrdim: siyahıdakı
dәlilәrdәn birinin adını pozub yerinә sizin adınızı yazmaq lazımdır!
Mәnә baxıb soruşur:
– Bu, nә demәkdir?
– Eşitdiyiniz kimi! – söylәyirәm.
– Anlamadım…
– Demәli, dәrrakәn çatmır, – deyirәm. – Müqәddәs kitabda
deyildiyi kimi: “Ağıllının gözlәri başındadır...” Bu kәlamın
mәnası belәdir: ağıl yaşda deyil, başdadır! Yәni ağıllıya – göz
vurmaq, ağılsızı isә kötәklәmәk lazımdır...
– Mәn sizinlә açıq danışıram, – sәsindә inciklik duyulur, –
siz isә zarafata salıb mәsәllәr çәkirsiniz...
– Avazınız yaxşı gәlir, – deyirәm. – Amma oxuduğunuz
duadakı sözlәrdәn birinin dә mәnasını anlamırsınız. Duanın
mәğzini başa düşmәk istәyirsinizsә, әvvәlcә ananıza müraciәt
edin, – sizә hәr şeyi әtraflı başa salar...
– Uşaq deyilәm ki, anamdan soruşum!
– Sәhviniz var, – deyirәm, – mütlәq ananızdan soruşmalısınız.
Yәqin, deyәcәk ki, ağlınız çaşıb vә haqlı da çıxacaq!
– Haqlı?
– Bәli, – deyirәm. – Bir düşünün, sizdәn Şprinsama adaxlı
çıxar? Heç sizin tayınızdır? Әsas mәsәlә budur ki, ananız mәnimlә
necә qohum ola bilәr?

372