Page 367 - Sholom_Aleyhem_Макет 1

Südçü Tevye

Dul arvad deyir:
– Qonşular sizi mәslәhәt görüb. Deyirlәr, әn yaxşı süd sizdә
olur.
– Bәs necә! – cavab verirәm. – Necә deyәrlәr, malın yaxşı
olsun, müştәri özü gәlәcәk! Әgәr istәsәniz, yaşadığınız bu yerin,
yәni Midraşın adının izahını söylәyә bilәrәm...
Amma qadın sözümü kәsib deyir ki, dulam vә belә şeylәrdәn
başım çıxmır. Yәni adın mәnası nәyimә gәrәkdir? Әsas mәsәlә
yağın tәzә, kәsmiyin dadlı olmasıdır... İndi gәl, qadını başa sal!
Nә isә, Yekaterinoslavldan gәlmiş dul qadına hәftәdә iki dәfә –
bazar ertәsi vә cümә axşamı baş çәkirdim. Soruşmurdum, lazımdır,
ya yox, malı vaxtında gәtirirdim. Ailәnin yaxın adamına çevril -
mişdim. Tәdricәn, evdәki qayda-qanunla, mәtbәxlә maraqlandım,
mәslәhәtlәr verdim. Әvvәlcә, xidmәtçi qadının acığı tutdu, dedi
ki, başqasının işinә burnumu soxmayım. Ancaq sonradan sözümә
qulaq asıb mәnimlә mәslәhәtlәşmәyә başladılar: nәhayәt, dul
qadın Tevyenin kim olduğunu başa düşdü. Belәliklә, әlaqәlәr
möhkәmlәndi vә bir dәfә qadın mәnә ürәyini açdı. Şikayәti oğlu
Aronçikdәn idi! Oğlanın yaşı iyirmini ötüb, ancaq işi-gücü at
saxlamaq, balıq tutmaqdır. Başqa heç nә ilә maraqlanmır. Faydalı
iş, pul qazanmaq barәdә eşitmәk belә istәmir. Atası ona böyük
mi ras qoyub, bir milyon olar, oğlanı heç bu da maraqlandırmır!
Sağa-sola xәrclәyir, әlindә pul saxlaya bilmir!
– Oğulcuğaz hardadır? – soruşuram. – Gәlsin, bir az söhbәt
edәk, başına ağıl qoyum, bir-iki mәsәl çәkim!
Qadın gülür:
– Nә danışırsınız? Siz ona atlardan, qırmaqdan danışın, mәsәl
qanan deyil!
Söhbәt әsnasında Aronçik dә gәlib çıxır... Cüssәli, sәrv
qamәtli oğlandır. Enli kәmәrini, üzr istәyirәm, şalvarın üstündәn
taxıb, cib saatı göz qamaşdırır, köynәyinin qollarını dirsәkdәn
yuxarı çırmalayıb.
– Hara getmişdin? – anası soruşur.
– Qayıqla üzürdüm, – cavab verir, – balıq tuturdum...

367