Page 365 - Sholom_Aleyhem_Макет 1

Südçü Tevye

kölgәyә dönmüşәm. Onu gördüyümü heç kәsә demirәm, kimsәdәn
Xava barәdә soruşmuram, halbuki harada yaşadığını yaxşı bilirәm,
әrindәn dә xәbәrim var... Fәqәt, kimsә mәndәn heç vaxt, heç
nәyi öyrәnә bilmәz! Düşmәnlәrim ah-nalәmi, giley-güzarımı
görmәyәcәklәr! Bax Tevye belә adamdır!
Görәsәn, bütün kişilәr belәdir, yoxsa, tәk mәn dәliyәm?
Mәsәlәn, bәzәn hәyatda belә olur... Deyin, gülmәyәcәksiniz ki?
Qorxuram, gülәsiniz... Bәzәn şәnbә libasımı geyib stansiyaya
yollanıram. Hәrdәn könlümdәn keçir ki, qatara minib Xavanın
yanına gedim, harada yaşadığını bilirәm. Kassaya yaxınlaşıb
bilet istәyirәm. “Hara?” – soruşurlar. “Yequpetsә”, – deyirәm. –
“Bizim siyahıda bu adda şәhәr yoxdur…” – “Çarә nәdir? Günah
mәndәn ötdü...” – evә qayıdıram. Şәnbә libasını çıxarıb işә
girişirәm... Kitabda necә deyilir: “Hәr kәs öz mәşğuliyyәtindә,
hamı öz işindә”, – dәrzi öz qayçısı, çәkmәçi isә pinәçi dәzgahı
ilә çörәkpulu qazanır... Bilirdim, mәnә gülәcәksiniz... Әmin
idim... Yәqin, fikirlәşirsiniz ki, Tevyenin başı xarab olub!
Mәncә, söhbәti burada bitirmәk lazımdır. Sağ-salamat qalın
vә mәktub yazın. Amma, Allah xәtrinә, xahişimi unutmayın!
Yәni bunları kitaba salmayın! İstәsәniz, mәndәn yox, başqalarından
yazın. Mәni unudun getsin! Müqәddәs kitabda deyildiyi kimi:
“Onu unutdu”, – südçü Tevye artıq yoxdur!

Şprinsa

Sizә sәmimi salamlarımı çatdırıram, pan Şolom Aleyxem!
Sizә vә uşaqlarınıza cansağlığı arzulayıram! Yüz ildir görüşmürük!
Nә qәdәr zaman keçib? Bu illәr әrzindә hәr ikimiz, bütün xalqımız
neçә-neçә bәlaya düçar olub: Kişinyov, talanlar... İlahi, özün
kömәk ol! Hәtta tәәccüblәnirәm, – zәrrә qәdәr dә dәyişmәmisiniz, –
tfu, tfu, göz dәymәsin! Bir mәnә baxın: hәlә altmışa çatmamışam,
amma görün Tevyenin saçları necә ağarıb! “Uşaqları tәrbiyә
etmәk әzabı” – zarafat deyil, onlardan nә bәla desәn, gözlәmәk
olar! Uşaqların ucbatından çәkdiyim acılar ölçüyә sığa bilәrmi?

365