Page 356 - Sholom_Aleyhem_Макет 1

Şolom Aleyxem

– Hә, hә, – cavab verirәm. – Әlbәttә, haqlısan! Müqәddәs
kitabda belә deyilir: “Әllәrinin bәrәkәtindәn yeyәcәksәn” –
işlәmәyәn, dişlәmәz! Amma başa düşmürәm, Fedkanın burada
nә işi var? Mәncә, hәndәvәrindә dolaşmasaydı, yaxşı olardı.
Haradan gәlib, hara getdiyini unutma, sәn kim, o kim!
– Allah, – deyir, – bütün insanları bәrabәr yaradıb.
– Elәdir! Allah Adәmi özünә oxşar yaradıb. Amma hәrә öz
tayını tapmalıdır. Müqәddәs kitabda belә deyilir: “Hәr kәs öz
imkanına görә”.
– Qәribәdir! – qız sözümü kәsir. – Sәnin bu mәsәllәrin
hamını tәngә gәtirib. İnsanların yәhudi vә qeyri-yәhudilәrә, ağlara
vә qaralara, varlı vә dilәnçilәrә bölünmәsi barәdә mәsәl bilirsәn?
– Hә… – cavab verirәm. – Dәrin mәtlәblәrә toxunursan!
Başa salmağa çalışıram ki, dünya yaranandan belәdir.
– Sәbәb nәdir ?
– Çünki Allah dünyanı belә yaradıb!
– Allah dünyanı niyә belә yaradıb?
– Bilirsәn, – cavab verirәm, – ucundan tutub ucuzluğa getsәk,
sualların sonu olmayacaq!
Allah bizә ona görә ağıl verib ki, sual verә bilәk.... Qızıma
deyirәm:
– Belә adәt var: toyuq xoruz kimi banlamağa başlasa, dәrhal
başını üzmәk lazımdır. Duada deyildiyi kimi: “Xoruza ağıl
verәn...”
– Çәrәnlәmәkdәn yorulmadınız? – qapıdan boylanan Qolda
sözümü kәsir. – Borş bir saatdır stolun üstündә buğlanır, bunlar
isә toyuqdan, xoruzdan dәm vururlar!
– İşә düşdük dә! Müdriklәr nahaqdan demәyib: “Arvad ki
çәnәdәn boş oldu, evin yıxıldı!” Biz burada ciddi mәsәlәlәrdәn
danışırıq, sәnsә başlamısan – borş! borş!
Qolda:
– Borşdan ciddi nә ola bilәr?
– Allah, sәn özün kömәk ol! – deyirәm. – Tәzә filosof peyda
olub, özü dә yumurtadan dünәn çıxıb! Qızlarım yerin altını da

356