Page 355 - Sholom_Aleyhem_Макет 1

Südçü Tevye
Xavadan soruşuram:
– Fedka burada nә gәzir?
– Heç, elә-belә! – deyir.
– Necә yәni “elә-belә”?
– Söhbәt edirdik! – cavab verir.
– Sәnin Fedka ilә nә işin?
– Biz çoxdan tanışıq.
– Gözümüz aydın! Tәbrik edirәm! – deyirәm. – Fedkadan
yaxşısını tapa bilmәdin?
– Bәyәm onu tanıyırsan? – deyir. – Sәnә pisliyi dәyib?
– Kim olduğunu bilmirәm, – deyirәm, – şәcәrәsi ilә dә
maraqlanmamışam. Amma bildiyimә görә, çox mәşhur nәsildәn
olmalıdır: atası, yәqin ki, çoban olub, ya gözәtçi, ya da ki,
әyyaş...
Qız sözümü yarımçıq kәsir:
– Atasının kim olduğunu bilmirәm, mәni heç maraqlandırmır
da! Amma gözümdә bütün insanlar bәrabәrdir. Fedka qeyri-adi
oğlandır...
– Mәsәlәn, – soruşuram. – Necә adamdır axı? De, biz dә
bilәk...
– Deyәrdim, amma başa düşmәzsәn. Fedka – ikinci Qorkidir.
– İkinci Qorki? Bәs birincisi kim olub?
– Qorki, – qız cavab verir, – indi, az qala, dünyada birinci
adamdır!...
– Müdrik dediyin o şәxs harada yaşayır? – soruşuram, – nә
işlә mәşğuldur, yaydığı ideyalar nәdәn ibarәtdir?
– Qorki mәşhur yazıçıdır, – Xava cavab verir, – kitab yazır.
Bәnzәrsiz, gözәl vә tәmiz adamdır. Sadә ailәdәn çıxıb, heç yerdә
oxumayıb, öz gücünә savadlanıb... Bax bu da onun portreti...
Xava cibindәn bir şәkil çıxarıb göstәrir.
– Sәnin inandığın reb Qorki budur? – soruşuram. – And
içәrәm ki, onu haradasa görmüşәm: stansiyada kisә yüklәyirdi,
ya da meşәdә odun daşıyırdı...
– Nә olsun, adamın alın tәri ilә çörәk qazanmağı әskiklikdir?
Bәyәm özün çalışmırsan? Biz gecә-gündüz әllәşmirik?

355