Page 343 - Sholom_Aleyhem_Макет 1

Südçü Tevye

deyildiyi kimi: “Azadlıq vә qurtuluş başqa yerdәn gәlir”, münasib
adaxlını özümüz dә axtarıb taparıq...
– Müdrik kәlamlardan әl çәkmirsiniz! – deyir. – Sizinlә
danışmaq üçün gәrәk hazırcavab olasan! Atalar sözü, mәsәllәrin
mahir bilicisi sayılırsınız! Yaxşısı budur, qulaq asın, görün Efraim-
Şadxen nә tәklif edir? Dinlәyin, ancaq dәrhal cavab vermәyin!
Efraim mәsәlәnin mәğzini açır... Hә, nә deyim? Hәqiqәtәn,
qeyri-adi tәklifdir! Birincisi, namizәd çox yaxşı ailәdәndir,
hörmәtli adamın oğludur, әsil-nәcabәti var. Razılaşın ki, bu, hәr
şeydәn vacibdir, çünki özüm dә yaxşı nәsildәnәm. Ailәmiz,
әsasәn, sadә adamlardan ibarәtdir: sәnәtkar da var, sahibkar da…
Adaxlı hәm dә savad sahibidir, hәr şeydәn başı çıxır, bu isә
mәnim gözümdә müsbәt cәhәtdir – cahillәrdәn zәhlәm gedir!
Mәncә, cahil, deyingәn arvaddan min dәfә pisdir! Papaqsız gәz,
baş-ayaq dur, amma savadın varsa, Raşidәn başın çıxırsa, demәli,
mәnim adamımsan. Tevyenin tәlәbi belәdir!
– Әn әsası, – Efraim sözünә davam edir, – oğlan varlıdır,
pulu çoxdur, ikiatlı karetdә elә çapır ki, toz-torpaq әrşә qalxır...
– Nә deyirәm, bu, böyük nöqsan deyil. Kasıb yaşamaqdansa,
qoy varlı olsun. Müdriklәr deyib: “Yoxsulluq İsrailә yaraşır” –
Allah da yoxsulları sevmir. Әgәr sevsәydi, yoxsullar bu vәziyyәtdә
yaşamazdı!
– Sözümü bitirmәmişәm, – Efraim deyir. – Oğlan sizinlә
qohum olmaq istәyir, şam kimi әriyib, dәrd çәkir. Yәni sizә görә
yox, qızınızdan ötrü. Gözәl qızla evlәnmәk istәyir.
– Doğru deyirsәn? – soruşuram. – Qoy dәrd çәksin!
Tәriflәdiyiniz oğlan kimdir? Subaydır? Duldur? Boşanıb?
– Subaydır! – cavab verir. – Düzdür, yaşı bir az ötüb, amma
subaydır.
– Yaxşı, adını söylәyin…
Efraim demәk istәmir.
– Qızı Boyberikә gәtirin, onda deyәrәm!
– Necә yәni qızı gәtir? – soruşuram. – Atdır, inәkdir bәyәm,
satmaq üçün yarmarkaya gәtirim?
Xülasә, özünüz dә bilirsiniz, Şadxen üçün bağlı qapı yoxdur,
divarı da söküb keçәr. Qәrara gәldik ki, gәlәn hәftә, Allah qoysa,

343