Page 337 - Sholom_Aleyhem_Макет 1

Südçü Tevye

Qodl

Pan Şolom Aleyxem, yәqin, tәәccüblәnirsiz ki, Tevye çoxdandır
görünmür. Deyirsiniz arıqlayıb, saç-saqqalı ağarıb, hә? Eh! Әgәr
bilsәydiniz, Tevye necә bәlalar çәkir, ürәyindәn necә qara qanlar
axır! Kitabda deyildiyi kimi: “Hәr şey torpaqdan yaranır vә
torpağa dönür”, – insan milçәkdәn zәif, lakin dәmirdәn dә
möhkәmdir. Vallah, haqqımda kitab yazmaq olar! Nә bәla varsa,
bәdbәxtlik baş verirsә, azar gәlirsә, heç biri mәndәn yan keçmir!
Sәbәb nәdir? Bilmirsiniz? Bәlkә, ona görә ki, uşaq kimi hәr şeyә
inananam, hә? Tevye unudur ki, müdriklәr min dәfә deyib: “İtlә
dostluq elә, amma çomağı yerә qoyma!” Nә etmәk olar, xasiyyәtim
belәdir! Mәlumunuz olsun ki, ümidlә yaşayıram vә başıma
gәlәnlәrdәn şikayәtlәnmirәm – çünki hәr işdә bir xeyir var!
Digәr tәrәfdәn, gileylәnmәyin nә mәnası? Kim sәnә kömәk
edәcәk? Duada deyilir: “Canım da, cismim dә sәnә mәxsusdur!”
Bu sözlәrin mәnasını bilirsiniz? Arvadımla mübahisәyә girişirәm:
– Qolda, heç günah işlәtmisәn? Müqәddәs kitabda deyilir
ki...
– Әşi, yenә başladın? Sәnin Müqәddәs kitabın nәyimә
lazımdır? – әlini yellәyir. – Qızı әrә vermәliyik. Göz dәymәsin,
evdә hәlә beşi var!
– Eh! – deyirәm. – Bunlar boş şeydir, Qolda! Müdriklәr bu
barәdә öz sözünü deyib. Kitabda belә bir...
Qolda sözümü kәsir:
– Yetkin qızların özü başdan-ayağa bir kitabdır!
İndi gәl, arvada dil çatdır da!
Nә isә, yәqin, başa düşürsünüz, mәndә olan “mal”ın, göz
dәymәsin, keyfiyyәtinә söz ola bilmәz, şikayәtlәnmәk günahdır!
Maşallah, qızlar bir-birindәn gözәl! Әlbәttә, doğma övladı
tәriflәmәk heç dә yaxşı deyil. Amma adamların dediyini eşidәndә
qürrәlәnirәm: “Gözәl qızlardır!” Xüsusәn dә böyüyü, adı Qodldır,
Seytldәn sonra doğulub. Yәqin, xatırlayırsınız, Seytl dәrziyә әrә
getmişdi. Qodl isә dünya gözәlidir! Esfır dastanında yazıldığı

337