Page 335 - Sholom_Aleyhem_Макет 1

Südçü Tevye

Bir qurtum su ver, sonra yuxumu danışım. Amma, qorxma,
Qolda, ürәyinә başqa şey gәlmәsin.
– Bizim müqәddәs kitablarda deyilir ki, yuxunun üçdә biri
çin ola bilәr, qalanları boş, mәnasız şeylәrdir...
– Әvvәlcә gördüm ki, evimizdә tәntәnәdir, – yuxunu danışmağa
başladım. – Bilmirәm toy idi, yoxsa nişan, – amma çoxlu adam
gәlmişdi: qadın, kişi, ravvin, qәssab... musiqiçilәr!.. Birdәn qapı
açılır vә sәnin nәnәn Seytl daxil olur, Allah ona rәhmәt elәsin...
Seytl nәnәnin adını eşidәn kimi, arvadımın üzü ağappaq oldu
vә soruşdu:
– Arvad üzdәn necә görünürdü? Nә geymişdi?
– Üzdәn? Heç düşmәnimә dә belә sifәt arzulamıram: mum
kimi sarı, әynindә dә ağ kәfәn... Seytl nәnә deyir: “Tәbrik
edirәm!” Çox mәmnunam ki, mәnim adımı verdiyiniz qızınız
Seytli әrә vermәk üçün belә yaxşı, lәyaqәtli adaxlı seçmisiniz.
Motl Kamzol, dayım Mordxanın şәrәfinә bu adı daşıyır, dәrzi
olsa da, canlara dәyәn oğlandır.
– Bu dәrzi haradan çıxdı? – Qolda soruşur. – Bizim nәsildә
melamedlәr, kontorlar, sinaqoq xidmәtçilәri, qәbirqazanlar, hәtta
dilәnçilәr olsa da, nә dәrzi, Allah elәmәmiş, nә dә çәkmәçi var...
– Sözümü kәsmә, Qolda! – deyirәm. – Yәqin, nәnәn Seytl
daha yaxşı bilir... Tәbriki bitirәndәn sonra ona deyirәm: “Nәnә,
niyә deyirsiniz ki, Seytlin adaxlısının adı Motldur vә o, dәrzidir?
Adaxlının adı Leyzer-Volfdur vә qәssabdır!” – “Yox, – nәnә
cavab verir, – yox, Tevye, Seytlin adaxlısının adı Motldur vә
oğlan dәrzidir! Seytl onunla qocalana qәdәr gözәl vә firavan
ömür sürәcәk” – “Yaxşı, nәnә, bәs Leyzer-Volf necә olsun? Axı
dünәn ona söz vermişәm”. Bunu eşidәn kimi Seytl nәnә yoxa
çıxdı! Әvәzindә Leyzer-Volfun arvadı Frume-Sora peyda olub
mәnә müraciәt etdi: “Reb Tevye, sizi hәmişә lәyaqәtli vә Allahdan
qorxan adam hesab etmişәm... Necә ola bilәr ki, belә bir işә
qәrar vermisiniz? Razı olmusunuz ki, qızınız varisim olsun,
evimdә yaşasın, paltarlarımı geyinsin, bәzәk әşyalarımı,
mirvarilәrimi taxsın?” – “Mәnim günahım nәdir? – soruşuram. –
Axı bu, Leyzer-Volfun istәyidir!” – “Leyzer-Volfun? – etinasızlıqla

335