Page 333 - Sholom_Aleyhem_Макет 1

Südçü Tevye

– Buna bir baxın! – deyirәm. – Tevyenin Seytl adlı gözәl-
göyçәk qızı var, sәnin isә adın Motl Kamzoldur vә dәrziliklә
mәşğulsan. Qızımda elә bir nöqsan tapa bilәrsәn ki, onu
sevmәyәsәn?
– Yox, – cavab verir, – mәsәlә bunda deyil, mәni düzgün ba -
şa düşmәdiniz. Demәk istәyirdim, qızınızı sevirәm, o da bir ildәn
çoxdur mәni sevir, bir-birimizә söz vermişik ki, evlәnәk. Dәfәlәrlә
sizinlә danışmaq istәmişәm, amma tikiş maşını üçün bir az pul
yığana, әyin-baş alana kimi bu işi tәxirә salmışdım. Çünki indiki
zamanda hәr adi oğlanın gәrәk iki kostyumu vә bir neçә jileti
olsun...
– Lәnәtә gәlәsәn! – deyirәm. – Uşaq kimi danışırsan. Bәs
toydan sonra dolanışığınız necә olacaq? Ağzınızı iynә-sapla
tikәcәksiniz, yoxsa qızıma jilet yedirdәcәksiniz?
– Sizә tәәccüb edirәm, reb Tevye, doğrusu, belә sözlәri
eşitmәk heç dә xoş deyil! Yәqin, siz evlәnәndә heç eviniz dә yox
idi, amma indi... Adamlar necә, mәn dә elә... Axı әlimdә, heç
olmasa, sәnәtim var...
Nә isә, mәni dilә tuta bildi. Özümü aldatmağın nә mәnası?
İndiki cavanlar necә evlәnir? Әgәr ucundan tutub ucuzluğa
getsәk, gәrәk bizim vәziyyәtdә olanlar heç vaxt evlәnmәsinlәr...
Ancaq bir şey mәnә tәsir elәyirdi vә bunu heç cür başa düşә
bilmirdim: “bir-birimizә söz vermişik” nә demәkdir? Bunlar
hәyat barәdә nә düşünür? Oğlan qızla görüşür vә deyir: “Bir-
birimizә söz verәk ki, evlәnәcәyik...” Sadәcә söz! Әcәb hәyatdır!
Gördüm ki, Motl günahkar kimi başını aşağı dikib, danışığı da
ciddidir, başqa fikri ola bilmәz. İndi gәlin bu mәsәlәyә başqa
tәrәfdәn baxaq: nәyә görә tәrslik edib Motlla haqq-hesab çәkirәm?
Özüm hansı nәsildәnәm? Yoxsa qızıma bol cehiz, qucaq-qucaq
pal-paltar verәcәyәm? Düzdür, Motl Komzol dәrzidir, amma
yaxşı oğlandır, çalışqandır, ailәsini dolandıra bilәr, hәm dә tәmiz
adamdır. Bundan artıq nә lazımdır? “Tevye, – öz-özümә deyirәm, –
bәsdir lovğalandın vә Müqәddәs kitabda yazıldığı kimi söylә:
“Sözünә inanıram! Allah xoşbәxt elәsin!”

333