Page 324 - Sholom_Aleyhem_Макет 1

Şolom Aleyxem

İstәyiniz mәnә qәbuldur. Әsas mәsәlә tәxirә salmadan xanımı
evә gәtirmәkdir! Başa düşürsünüz?
– Mәnlik, – deyirәm, – bir maneә yoxdur. Amma qarı ilә dә
danışmaq lazımdır. Belә işlәrin ixtiyarı ondadır. Zarafat deyil,
Müqәddәs kitabda yazıldığı kimi: “Rahil öz övladları üçün
ağlayır”, yәni “ana hamıdan üstündür”. Yaxşı düşmәz, oğlan
evindә toydur, qızın xәbәri yox...
– Boş şeydir! – cavab verir. – Soruşmağa nә var ki? Reb
Tevye, mәslәhәt sizindir. Evә gedib söhbәti açın vә dәrhal da
evlilik mәsәlәsini yoluna qoyaq!
– Elә demәyin, reb Leyzer-Volf, elә demәyin! Qız dul deyil...
– Әlbәttә, – cavab verir. – Qız qızdır, dul qadın deyil... Buna
görә dә әvvәlcәdәn şәrtlәşmәk lazımdır. Gәrәk, başa düşürsünüz,
pal-paltar, xırda-mırda şeylәr alınsın... Reb Tevye, bәlkә, hәlәlik
adama bir az vuraq, yoxsa lazım deyil?
– Niyә lazım deyil? – tәәccüblәnirәm. – Bunun o biri mәsәlәyә
nә dәxli? Necә deyәrlәr: cin ayrı, şeytan ayrı. Bizim Talmutda
belә bir kәlam var...
Guya Talmutdan olan kәlamları söylәmәyә başladım... Bir-
birinin ardınca, ağlıma nә gәlirdisә danışırdım: “Nağıllar nağı -
lın dan”, “Pasxa haqqında dastandan” şeirlәr deyirdim...
Nә isә, acı içkidәn doyunca vurduq. Bu vaxt yastıburun
qadın samovarı gәtirdi vә hәrәyә bir stәkan punş düzәltdik. Dost
kimi söhbәt edir, arzularımızı bölüşür, toydan söz salır, oradan-
buradan danışır vә yenә dә toy mәsәlәsinin üstünә qayıdırdıq.
– Reb Leyzer-Volf, – deyirәm, – Qız deyil, qızıldır, hәtta
deyәrdim ki, nadir brilyantdır! Onun necә qiymәtli daş olduğunu
bilirsiniz?
– Bilirәm, – cavab verir, – inanın mәnә. Әgәr bilmәsәydim,
susardım.
İkimiz dә eyni vaxtda danışırıq. Mәn ucadan deyirәm:
– Brilyant! Almaz! Siz onu qiymәtlәndirә bilәrsiniz? Qәssab
olduğunuzu unudun...
– Narahat olmayın, reb Tevye! Onun bizdә adi günlәrdә
yediyini sizdә heç bayram günlәrindә dә süfrәyә düzmürlәr...

324