Page 321 - Sholom_Aleyhem_Макет 1

Südçü Tevye
amma gecә-gündüz arı kimi çalışırıq, bir dәqiqә dә olsun, rahatlıq
tapa bilmirik.
– Günahdır, reb Tevye, – dillәnir. – Belә demәyin. İndi
әvvәlkindәn daha varlısınız!
– Allah hәr ikimizә o qәdәr versin ki, qoymağa yer tapmayaq, –
deyirәm. – Gileylәnmirәm, buna da şükür. Talmutda yazılıb:
“Askakurdo demaskanto dekurnose defarsmaxto...” Özüm isә
fıkirlәşirәm: “Leyzer-Volf, sәni görüm, bәlaya tuş gәlәsәn, başına
daş düşsün, soyğunçu qaniçәn! Ömründә buna bәnzәr sözlәr
eşitmisәn? Әslindә, Talmutda heç belә sözlәr yoxdur, özümdәn
uydurmuşam...”
– Siz, – deyir, – hәmişә müdrik kәlamlar söylәyirsiniz. Yaxşı
ki, reb Tevye, sözlәri düzgün tәlәffüz edirsiniz. Lakin bu müdriklik
vә elmi biliklәr bizim nәyimizә gәrәkdir? Yaxşısı budur, işdәn
danışaq. Әylәşin, reb Tevye, – göstәriş verir. – Çay gәtirin!
Bu vaxt yastıburun qadın sanki yerin altından çıxıb samovarı
qapır vә mәtbәxә cumur.
– İndi, – Leyzer-Volf söhbәtә başlayır, – tәklikdә, sakitcә
oturub öz işlәrimizdәn rahat danışa bilәrik. Reb Tevye, çoxdandır
bu barәdә sizinlә mәslәhәtlәşmәk istәyirdim, qızınıza dәfәlәrlә
demişәm ki, atanız, zәhmәt olmasa, yanıma gәlsin... Mәnim
gözümә xoş...
– Bilirәm, – sözünü kәsirәm, – yaxşı bilirәm, gözünüz nәyi
tutub, amma nahaq yerә, boş yerә әllәşmәyin, bu işdәn bir şey
çıxmaz, reb Leyzer-Volf, heç nә alınmaz!
– Niyә? – ürkәk baxışlarını mәnә zillәyir.
– Elә ona görә! – deyirәm. – İl çox, ay çox! Mәn heç yerә
tәlәsmirәm, qiyamәtdir mәgәr?
– Gözlәmәyin nә mәnası? Mәsәlәni elә bu dәqiqә hәll etmәk
olar.
– Birinci sәbәb, dediyim kimi budur, yәni tәlәsәn yerim
yoxdur – sözümә davam edirәm, – ikincisi, ürәyim gәlmir,
qıymıram, yazığım gәlir...
– İşә bax! – Leyzer-Volf istehza ilә gülür. – Bu yoxsulların
naz-qәmzәsi bitmәk bilmir dә! Söhbәtimizә kәnardan qulaq asan

321