Page 319 - Sholom_Aleyhem_Макет 1

Südçü Tevye

Zәmanә uşaqları

Mәn bunu sizin “zәmanә uşaqları” ifadәnizә görә deyirәm...
“Uşaqlarımı böyüdüb boya-başa çatdırmışam...” Demәk
asandır – uşaq törәt, әllәş, gecә-gündüz çalış-vuruş, özünә qıyma...
Nәyin naminә? Daim düşünürsәn: olmadı elә, oldu belә! Hәr kәs
ağlına vә imkanına görә hәrәkәt etmәlidir. Әlbәttә, fabrikant
Brodski ilә ayaqlaşmaq mümkün deyil, amma özümü fağır hesab
etmirәm, ayaq altında qalanlardan da deyilәm, mәn dә, arvadım
da, canı sağ olsun, dәrzidәn vә çәkmәçidәn törәmәmişik... Hәmişә
ümid edirdim ki, qızlarım böyüyәndә dadıma çatacaqlar. Niyә?
Birincisi, Allah mәnә gözәl qızlar bәxş edib, sizin dediyiniz
kimi, gözәl çöhrә elә cehizin yarısı demәkdir. İkincisi, özüm dә,
Allahın kömәyi ilә, daha әvvәlki Tevye deyilәm, – qızlarıma
yaxşı adaxlı tapa bilәrәm, hәtta elә Yequpetsin özündәn dә, düz
demirәm? Göydә mәrhәmәtli Allah var, mәni bәrkә-boşa salır,
sınaqdan çıxarır. Allah deyir: “Tevye, boş-boş şeylәri başından
at, qoy hәr şey necә varsa, elә dә davam etsin!..” Qulaq asın,
görün dünyada nәlәr olur? Belә әhvalatlar kimin başına gәlә
bilәr? Әlbәttә, Tevye kimi xoşbәxtlәrin…
Uzatmağın nә mәnası? Yәqin, bu yaxınlarda başıma gәlәnlәri
unutmamısınız, hә? Qohumcuğazım Menaxem-Mendl ilә olan
әhvalatı deyirәm – onunla Yequpetsdә, qızıl imperiallar vә
Potivilov aksiyaları ilә bağlı bir iş görüb böyük pullar qazanmalı
idik. Belә uğuru düşmәnlәrimә arzulayıram! Hәmin vaxt çox
pәrişan olmuşdum! Fikirlәşirdim ki, Tevye, daha axırın çatıb,
süd tәsәrrüfatın batdı!
Bir dәfә qarım dedi:
– Axmaqsan, ay kişi! Bәsdir dәrd içindә sızıldadın, bunun nә
xeyri? Canına, әsәblәrinә yazığın gәlsin. Birdәn quldurlar basqın
edib sәni soysaydılar, onda necә?... Yaxşısı budur, get Anatovkaya,
qәssab Leyzer-Volfun yanına, deyirdi, sәn ona çox lazımsan...
– Nә olub, görәsәn? Mәni niyә tәcili görmәk istәyir? Әgәr
söhbәt bizim boz inәkdәn gedirsә, onu satmaq fikrim yoxdur!

319