Page 316 - Sholom_Aleyhem_Макет 1

Şolom Aleyxem

– Menaxem-Mendl? – deyirlәr. – Hansını soruşursan? Dünyada
o qәdәr Menaxem-Mendl var ki!
– Soyadını soruşursunuzsa, bilmirәm! Onun vәtәndә, yәni
Kasrilovkada qohumları çoxdur, qayınanasını Leya-Dvosi çağırırlar.
Başqa bir şey bilmirәm. Qayınatası yaşlı adamdır, adı Borux-
Gerşmndir... İndi tanıdınız?
– Yox, tanımadıq! – cavab verirlәr. – Deyin görәk, sәnәti
nәdir, yәni bu Menaxem-Mendl nә işlә mәşğuldur?
– Necә yәni nә işlә mәşğuldur? – soruşuram. – Qızıl imperial
alıb satır, Potivilov aksiyalarının alverini edir, Peterburqa,
Varşavaya teleqram göndәrir...
– Hә… – gülmәkdәn uğunurlar. – Hava alıb-satan Menaxem-
Mendli deyirsiniz? Onda, zәhmәt olmasa, qarşı sәkiyә keçin,
orada belә fırıldaqçılar çoxdur, bәlkә, axtardığınız şәxs onların
arasındadır...
“Nә qәdәr çox yaşayırsansa, bir o qәdәr çox şey öyrәnirsәn! –
fikirlәşirәm. – Bunlar nәdәn dәm vurur? Fırıldaqçı, nә bilim,
hava alverçisi? Ağılları çaşıb, deyәsәn?!”
Qarşı sәkiyә keçdim, yarmarkadakı kimi qәlәbәlikdir, ayaq
basmağa yer yoxdur! Adamlar dәli kimi vurnuxur, bir-birinin
başına çıxır...
Basabas, hәrc-mәrclik, ağız deyәni qulaq eşitmir, әllәr havada
yellәnir: “Potivilov!”, “Möhkәm dur!”, “Sözümüz sözdür!”, “Beh
batdı!”, “Mәnә dәllal payı düşür!”, “Fırıldaqçı özünsәn!”, “Tüpür
üzünә!”, “Başını әzәrәm ha!”, “Bu da tәrs oğlu, tәrsdir!”,
“Batdım!”, “Evim yıxıldı!”, “Köpәkoğlu, sәni görüm lәnәtә
gәlәsәn!”
“Deyәsәn, indi yumruqlar işә düşәcәk! Havadan dava iyi
gәlir! – özümә dedim. – Qaç, Tevye! Çıx aradan, rәdd ol buradan,
yoxsa sәni dә әzәrlәr!..” Fikirlәşirәm: “Allahın işinә bax! Yәni
xoşbәxtliyi burada tapıblar? Qızıl imperiallarda? Biznes qurub
işlә mәşğul olmaq bu demәkdir? Xәyalların puça çıxdı, bәdbәxt
oldun, Tevye!”
Çoxlu şalvar asılmış vitrinin qarşısında ayaq saxladım vә
birdәn şüşәdә әziz qohumun әksini gördüm. Ürәyim qopdu, az
qala, nәfәsim kәsilәcәkdi... Menaxem-Mendlin elә görkәmi vardı

316