Page 311 - Sholom_Aleyhem_Макет 1

Südçü Tevye

dәfә çoxunu alsınlar vә bu qayda ilә yüz iki yüzә, iki yüz dörd
yüzә, dörd sәkkizә, sәkkiz on altıya çevrilir. Möcüzәdir, vallah!
Qonağım Yequpetsdә elәlәrinә rast gәlib ki, әvvәl ayaqqabı
almağa da pulları yox imiş, nökәrçiliklә dolanırmışlar... İndi ev-
eşik sahibidirlәr, arvad-uşaqları müalicә üçün xaricә gedir...
Hәmin adamlar Yequpetsdә lovğa-lovğa gәzib hamıya gözdağı
çәkir, heç kimi bәyәnmir, rezin tәkәrli avtomobil sürürlәr!
Sözün qısası, daha nә deyim? Çox dilә tutdu! Fikirlәşirәm:
onsuz da, dünya başdan-başa oyundur! Bәlkә, bu adam taleyin
qismәtidir? Axı mәn dә eşitmişәm ki, Yequpetsdә bәzi adamlar
heç nәdәn varlanırlar! Onlardan nәyim әskikdir? Menaxem-
Mendl yalançıya oxşamır, bu cür möcüzәlәri özündәn uydurmur
ki! Birdәn bәxtim açıldı, Tevye dә bu qoca yaşında adam arasına
çıxdı, düz demirәm? Nә vaxta qәdәr işlәyib tәr tökәcәksәn,
onun-bunun qapısında sülәnәcәksәn? Gündüz-gecә çap bu lәnәtә
gәlmiş at-arabanı, yağ-pendir sat! Vәssalam! Ömür bitdi! Tevye,
indi sәnin dincәlәn, insan kimi yaşayan, tez-tez sinaqoqa gedәn,
yәhudi kitablarını oxuyan vaxtındır...
Bәs birdәn iş düz gәtirmәdi, pul batdı, onda necә? Nә üçün
hәr şeyin yaxşı bitәcәyinә ümid bәslәmәyim?
– Hә, nә deyirsәn? – qarıma müraciәt edirәm. – Qolda, qo-
humunun tәklifi xoşuna gәlir?
– Nә deyә bilәrәm? – arvad cavab verir. – Bilirәm ki, Mena -
xem-Mendl küçәdәn keçәn adam deyil, bizi aldatmaz. O, Allah
elәmәmiş, fırıldaqçı dәrzilәrdәn, ya da çәkmәçilәrdәn deyil!
Atası lәyaqәtli adamdır, babası isә çox mömin idi, gözlәri tutulsa
da, gecә-gündüz Tövratı oxuyurdu. Nәnәsi Seytl isә, Allah ona
rәhmәt elәsin, yaxşı arvad idi...
– Boş-boş danışma, – deyirәm. – Burada söhbәt mühüm
mәsәlәdәn gedir, bu isә şirin kökә bişirәn Seytl nәnәdәn dәm
vurur... Arvadda ağıl nә gәzir? Süleyman peyğәmbәr nahaq
demәyib ki, bütün dünyanı gәzdim, ağıllı bir qadın tapa bilmәdim...
Qısası, qәrara gәldik kompaniya yaradaq: mәn pul verirәm,
Menaxem-Mendl isә fәrasәtini işә salır. Allah nә yetirsә, yәni
qazancı yarıbayarı bölürük!

311