Page 309 - Sholom_Aleyhem_Макет 1

Südçü Tevye

Sözün qısası, әllәrimizi yuyub masa arxasına keçdik, doyunca
yedik.
– Ye, Menaxem-Mendl, – deyirәm, – bu dünyada hәqiqәt
axtarmağın mәnası yoxdur, hәr şey saxtadır. Rәhmәtlik nәnәm
Nexama deyәrdi ki, sağlamlığı boşqabda axtar. Ağıllı arvad idi.
Qonağın hәyәcandan әllәri әsirdi, arvadımın kulinar ustalığını
çox bәyәndi, tәriflәyib göylәrә qaldırdı, and içdi ki, çoxdandır
belә dadlı südlü yemәklәr, piroqlar görmәyib.
– Boş şeydir! – dedim. – Hәlә onun bozartmasını, xәmir
xörәklәrini görәsәn, – onda bilәrsәn ki, cәnnәt nә demәkdir!
Yemәyi bitirib dua oxuduq, hәrә öz dәrd-sәrindәn danışdı.
Mәn oradan-buradan, o isә Odessadan, Yequpetsdәn, birdәn-birә
necә varlanıb sonra da dilәnçi kökünә düşmәsindәn bәhs etdi...
Elә işlәrlә mәşğul olub ki, mәnim bu mәsәlәlәrdәn heç başım
çıxmır. Amma söhbәt on mindәn, iyirmi mindәn gedirdi... Dediyinә
görә, pulu xәzәl kimi imiş!
– Düzünü desәm, Menaxem-Mendl, – bildirirәm, – söylәdiyin
qәribә işlәri görmәk üçün bacarıq lazımdır... Lakin bir şey mәnә
aydın deyil: arvadını yaxşı tanıyıram, tәәccüb edirәm, necә olub
sәnә belә işlәri görmәyә imkan verib?
– Eh, – köks ötürür. – Reb Tevye, yaxşısı budur, yadıma
salmayın... Onsuz da, arvad mәnә zülm verir... Adәtidir, xasiyyәti
dözülmәzdir... Mәnә nә yazdığını eşitsәniz, tüklәriniz biz-biz
olar! Amma bunlar boş şeydir, arvaddır da, ölәnә kimi yaxamdan
әl çәkmәyәcәk. Açığı, hәyatda bundan da pis şeylәr var. Mәsәlәn,
qayınanam bizimlә yaşayır. Çәkdiyim cәhәnnәm әzablarını
tәsәvvür edirsiniz? Nә isә, qayınanadan danışmağımın mәnası
yoxdur, – özünüz onu yaxşı tanıyırsınız!
– Eh, әziz dostum, – deyirәm, – sәnin işin Allaha qalıb,
görürәm, dәrd girdabında boğulursan!
– Tamamilә haqlısınız, reb Tevye! Dәrd özü ilә dәrd gәtirәr!
Bu minvalla gecәyarıya qәdәr söhbәtlәşdik. Әldәn-әlә keçәn
böyük pullardan, milyonçu fabrikant Brodskinin sayı-hesabı
bilinmәyәn var-dövlәti barәdә söhbәtlәrdәn başım gicәllәndi...
Bütün gecәni Yequpets, qızıl imperiallar, Brodski, Menaxem-

309