Page 308 - Sholom_Aleyhem_Макет 1

Şolom Aleyxem

Allah yardım edәr, işlәr qaydasına düşәr. Bilirsәn, deyirlәr, hәr
şeyin canı puldur! Amma pul da elә bir şeydir ki, bu gün var,
sabah yox! Әşi, tәki can sağ olsun! Әn әsası, ümiddir! Onu
itirmәk olmaz. Qaldı dәrd çәkmәyә, dostum, axı biz yәhudiyik!
Necә deyәrlәr: “Әgәr әsgәrsәnsә, barıt iyini udmalısan!” Hәyat
yuxu kimi bir şeydir... Yaxşısı budur, canım Menaxem-Mendl,
söylә görәk, necә olub ki, Yequpetsә gәlib çıxmısan?
– Necә yәni, “gәlib çıxmısan”? – cavab verir. – Mәn il
yarımdır ki, burada yaşayıram.
– Belә de! – tәәccüblәnirәm. – Belә çıxır ki, buralısan,
yequpetslisәn?
– S-S-S! – әtrafa göz gәzdirib barmağını dodaqlarının ucuna
qoyur. – Reb Tevye, ucadan danışmayın, eşidәn olar! Hә,
buralıyam, amma öz aramızda qalsın!..
Gözümü döyә-döyә ona baxıram.
– Eşidәn olar? – soruşuram, – bәyәm qaçaqsan? Bәs onda
Yequpets bazarının ortasında nә gәzirsәn?
– Soruşmayın, reb Tevye, yәqin, Yequpets qayda-qanunlarını
bilmirsiniz... Gedәk, hәr şeyi danışaram, bilәrsiz ki, yerli, eyni
zamanda buralı olmamaq nә demәkdir?..
Uzaq qohum burada adamların hansı tәhlükәlәrlә üzlәşdiyindәn
xeyli danışdı.
– Qulaq as, Menaxem-Mendl! – dedim. – Bir günlüyә kәndә,
bizә qonaq gәl. Dincәlәrsәn, hәm dә kәndin lәzzәtini görәrsәn.
Әziz qonağımız olarsan! Bizim qarı sәni görüb sevinәr!
Nә isә, razı oldu. Evdә çox sevindilәr! Qonaq gәlib! Özü dә
necә qonaq! Doğma xalauşağı! Zarafatdır? Yad deyil, qohumdur!
Şirin söhbәt başladı: Kasrilovkada nә var-nә yox? Borux-Gerşamn
dayı necә dolanır? Leya-Dvosi xala necәdir? Bәs Tosl-Menaşe
әmi? Dobriş xala? Uşaqları nә işlә mәşğuldur? Kim ölüb, kim
qalıb? Kim evlәnib, kim boşanıb? Kimin nәyi doğulub, kimin
arvadı hamilәdir?
– Ay arvad, – deyirәm, – başqalarının toyundan, uşaq
doğmağından sәnә nә? Yaxşısı budur, yemәk gәtir. Acqarına nә
söhbәt? Әgәr borş varsa, lap yaxşı, yoxdursa, piroq da olar, ya da
kökә, әriştә, tәki tezbazar olsun!

308