Page 304 - Sholom_Aleyhem_Макет 1

Şolom Aleyxem

– Nә istәyәcәyәm? – deyir. – Arzum budur, axmaq olmayıb
sәfeh-sәfeh danışmayasan.
– Әlbәttә! – cavab verirәm. – İndi ağıllı çıxmısan... Kimin ki
yüz rublu var, hamıdan ağıllıdır! Hәmişә belә olub!
Nә isә, bir neçә dәfә küsüb-barışdıq, nәhayәt, söhbәt mәnә
vәd edilәn boz inәyin üstünә gәldi, qәrarlaşdıq ki, südverәn bir
inәk dә alaq.
Әlbәttә, soruşa bilәrsiniz, nә üçün at yox, mәhz inәk? İcazә
verin soruşum: bәs nә üçün at? İnәyin nәyi pisdir? Başa düşürsünüz,
Boyberik elә bir yerdir ki, bütün Yequpets varlıları ora axışır. Bu
adamlar uşaqlıqdan adәt ediblәr ki, әt, yumurta, toyuq, soğan,
bibәr, ümumiyyәtlә, hәr şeyi onların qabağına qoyasan. Nәyә
görә pendir, xama, yağ vә digәr ağartı mәhsullarını birbaş onların
stoluna çatdırmayasan? Yequpetsә gәlәnlәr yemәyi xoşlayırlar,
pul isә onlar üçün heç nәdir, demәli, mәhsulu bu adamlara
satmaqla yaxşı pul qazanmaq mümkündür. Әsas mәsәlә odur ki,
mal keyfiyyәtli olsun. Mәndә olan mәhsulları isә Yequpetsdә
çıraqla da gәzsәn, tapa bilmәzsәn. Allah sizi dә, mәni dә xoşbәxt
elәsin, hörmәtli ağalar, hәtta xristianlar belә dәfәlәrlә xahiş
ediblәr ki, onlara tәzә mәhsul gәtirim.
“Eşitmişik ki, sәn, Tevye, xristian olmasan da, tәmiz adamsan”,
– deyirlәr. Bizim yәhudilәrdәn heç vaxt belә tәrif eşitmәmişәm!
Ümumiyyәtlә, bizimkilәrin dilindәn xoş söz çıxmaz. Ancaq onu
bilirlәr ki, lazım olmayan yerә burunlarını soxsunlar. Tevyenin
inәyini, tәzә arabasını görәn kimi paxıllıqdan partlayırlar, baş
sındırırlar: “Görәsәn, hansı pulla alıb? Bәlkә, Tevye saxta pul
kәsir? Bәlkә, gizlicә spirt çәkir?” “Ha-ha-ha! Sındırın başınızı,
nә qәdәr istәyirsiniz!” İnanın, ilk adamsınız ki, sizә bu әhvalatı
danışıram...
Deyәsәn, uzunçuluq elәdim. Mәni qınamayın! İş, dolanışıq
barәdә düşünmәk lazımdır. Müqәddәs kitabda yazıldığı kimi:
“Hәr qarğa özü kimi digәr qarğalara bәnzәyir”, – yәni hәr kәs öz
işi ilә mәşğul olmalıdır. Siz kitab yazmaqla, mәn isә, necә
deyәrlәr, öz qoturumu qaşımaqla... Pan Şolom Aleyxem, sizdәn

304